Joey de Leon sinagot ang “kababawan” tweet ni Lea Salonga
SINAGOT ng “Eat Bulaga” mainstay na si Joey de Leon ang kontrobersiyal na tweet ng actress at singer na si Lea Salonga noong Sabado.
“Hindi naman pala daw AlDub pinatatamaan ni Lea. Baka naman yung kabila? Nagtatanong lang po,” sabi ni de Leon sa kanyang mga tweet.
Ito’y matapos ang tweet ni Salonga na “Okay lang sa akin ang kababawan, pero hanggang doon na lamang ba tayo? #NagtatanongLangPo.”
Umani naman ng mga reaksyon sa mga netizen ang naging tweet ni Salonga sa harap naman paniniwalang ang pinatutungkulan nito ay ang love team nina Alden Richards at Maine Mendoza.
Itinanggi naman ni Salonga na “AlDub” ang kanyang pinatatamaan niya.
“Baka naman yung tuwit ni Lea “in General” kaya kay General na lang sya magpaliwanag,” dagdag ni de Leon.
“Ano masasabi nyo sa mga taga-shobiz na nagsasabi na HINDI sila pamilyar sa Aldub? Nagse-survey lang po. #ALDUBandPROUD,” ayon pa kay de Leon.
Binatikos din ni de Leon ang mga komento na mababaw lamang ang AlDub phenomenon.
“Mga tao sa labas at nagsasaya huwag mong ihusga kung nasa lungga ka! Sa lungga ka na lang at di mo sila kilala! #ALDUBThisMustBeLove.”
“Ayaw nila nang MABABAW kaya NASA ILALIM SILA! #ALDUBThisMustBeLove,” sabi pa ni de Leon.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.