Sa biglang pagkalas sa Azkals, dumami ang kaaway
Ano kaya ang masasabi ni Angel Locsin sa mga tumitira at nag-aakusa sa magkapatid na Younghusband na mukhang pera raw?
Grabe, pero pinagpipiyestahan nga sa mga blogs ang napabalitang kaya hindi raw nag-join ang magkapatid na sina Phil at James sa kasalukuyang torneo na kasali ang Azkals e, dahil nga sa mga demands nila, partikular sa kanilang suweldo.
Talagang dinagsa ng mga puna at komento ang isang sports forum na nagtataguyod pa naman ng promosyon ng mga larong gaya ng football sa grasroot level kung saan nga nakilala sina Phil at James.
Lumabas na raw ang tunay na kulay ng magkapatid.
Hindi pa raw sila nakuntento sa mga grasyang nakamtan nila simula ng sumikat sila sa Azkals?
Sobra naman daw ang pagpapakita nila ng “pera-pera attitude”.Hindi raw ba naturuan man lang ni Angel bilang kasintahan ni Phil na ipakita ang wastong pagmamahal sa bayan ng hindi inuuna ang salapi o usaping suweldo?
Nakakaloka ang mga puna at pagtatanong kapatid na Ervin lalo pa’t sirang-sira rin ang mga taong sinasabing nakakaimpluwensya sa magkapatid para mag-inarteng super super sikat ang mga ito at kailangan ng kanilang team.
Hay, ‘yun lang muna ang aming masasabi lalo pa’t sa huling laban ng Azkals ay kitang-kita ang katamlayan ng audience attendance.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.