Melai pang-asar lang sa Your Face Sounds Familiar 2

Pang-asar sa mga celebrity contenders ang magiging papel ni Melai Cantiveros sa season ng Your Face Sounds Familiar na magsisimula na sa Sept. 12, Sabado, sa ABS-CBN.

Si Melai ang first grand winner ng YFSF at siya ang magsisilbing “KaTroFamiliar” sa nasabing reality talent show, paliwanag niya, “Pang-gulo po ako dito, pang-asar sa mga contestants ng new season bale makikita rin nila ako dito na nag iba-iba ng itsura sa bawat episode pero ‘di mga icons ang gagayahin ko kundi mga sikat na celebrities naman.”

Nang mapanood ni Melai ang performance ng bagong batch ng YFSF, bigla itong napa-throwback, “Parang kakaiba nga ang pakiramdam ng mapanood ko sila kasi this time nanonood na lang ako, hinahanap ko sila ate Karla, sila Jolina, yung grupo namin noon, pero ngayon iba na, pinapanood ko na lang sila.”

Ano naman ang maipapayo niya sa mga bagong celebrity contenders ng Your Face? “Basta mag enjoy kang sila, ako noon pressured ng magsimula ang season namin.

Pero nag-enjoy lang ako na may kahalong pag career sa performance kaya ayun ako ang nag champion.”
Huwag palampasin ang linggo-linggong transformations sa Your Face Sounds Familiar ng Absolute Performer na si Sam Concepcion, ang Soul Supreme na si KZ Tandingan, ang Dental Diva na si Kakai Bautista, ang Harana Prince na si Michael Pangilinan, the Playful Angel Myrtle Sarrosa, ang Komikero ng Masa na si Eric Nicolas, ang Rebel Rock Royalty na si Kean Cipriano, at ang Sultry Heiress na si Denise Laurel.

At siyempre, magbabalik din sa show ang jurors na sina Gary Valenciano, Jed Madela at Sharon Cuneta para husgahan ang performances ng celebrity performers.