Sexy actress nag-trending dahil sa TV Patrol
Nag-trending sa social media ang pagiging guest anchor ng sexy actress na si Yam Concepcion sa episode ng TV Patrol noong Biyernes ng gabi.
Si Yam kasi ang pansamantalang pumalit kay Gretchen Fullido bilang anchor ng “Star Patrol” segment ng news program ng ABS-CBN.
Napakaraming netizens ang pumuri sa ganda ng boses ni Yam, hindi nila akalain na pwede rin pala itong maging anchor ng news program.
Si Yam ang nag-introduce ng mga entertainment news ng TV Patrol kabilang na ang pagkapanalo ng El Gamma Penumbra sa katatapos lang na Asia’s Got Talent at ang tungkol sa bagong teleserye nina Kathryn Bernardo at Daniel Padilla na Pangako Sa ‘Yo.
Sa kanyang Instagram account nag-post agad ng mensahe si Yam tungkol sa paghalili niya kay Gretchen sa TV Patrol, “What an experience!! Maraming salamat sa lahat ng bumubuo ng news room!”
Pagkatapos ng TV Patrol bumaha na ng mga papuri kay Yam mula sa mga netizen, ang iba nga ay nag-request pa sa ABS-CBN na gawin nang regular entertainment host ang aktres.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.