Tom-Den loveteam pasasarapin ang Bangus Festival sa Dagupan

MULING aariba ang GMA Network bilang Strategic Partner ng Dagupan City para sa Bangus Festival 2015 kung saan isang star-studded celebration ang masasaksihan ng mga Pangasinense mula Abril 26 hanggang Mayo 1 sa pagdalo ng ilang hottest Kapuso stars.

Opisyal na nagsimula ang Kapuso festivities kahapon sa Downtown Loop Plaza kung saan ginanap ang Festivals of the North Parade. Kabilang sa Kapuso contingent ang cast members ng Yagit na sina Yasmien Kurdi, Wowie De Guzman, at Chlaui Malayao, kasama ang Healing Hearts stars na sina Joyce Ching, Krystal Reyes, at Kristoffer Martin.

Si Camille Prats ng Second Chances at Mars ng GMA News TV ay makikisaya naman sa Bangusine: Bangus International Cuisine Showcase ngayong araw sa Dagupan City Plaza at 4 p.m..

Magiging extraordinary naman ang Huwebes, Abril 30, sa buong Dagupan sa pagdating ng isa sa most unforgettable on-screen pairs ng Kapuso Network—ang TomDen—para sa Bangusan Street Party.

Paiinitin ng certfied Kapuso hunks na sina Dennis Trillo at Tom Rodriguez ang De Venecia extension road sa pamamagitan ng isang Kapuso Night kasama ang versatile actress na si Kris Bernal at komedyanteng si Boobay.

Pagdating ng May 1, welcome ang Kapuso couple na sina Rocco Nacino at Lovi Poe sa Tondaligan Beach simula 7 p.m.. Sina Rocco at Lovi na kapwa bibida sa upcoming series na Beautiful Stranger ang tampok sa isang gabing punung-puno ng excitement at romance sa Dagupan Beach Bodyfest 2015.

Mapapanood ang highlights ng Bangus Festival sa Mayo 24 sa pamamagitan ng Let’s Fiesta TV Special na ipapalabas sa GMA regional stations sa Bicol, Cebu, Davao, Iloilo, Dagupan, Ilocos, GenSan, Bacolod, at CDO.