Nash papalit sa trono nina Piolo, Echo at Lloydie
Para sa mga sumusubaybay sa Primetime Bida series na Bagito, si Nash Aguas na nga ang posibleng pumalit sa trono ng mga top leading man ng ABS-CBN.
Ang galing-galing naman kasi ni Nash sa Bagito na gumaganap ngang batang ama sa serye. Natural na natural ang akting niya na para bang totoong nagkaroon na siya ng anak sa murang edad.
Sabi ng ilang kapitbahay naming parents na walang pinalalagpas na episode ng nasabing programa, feel na feel nila ang pinagdaraanan ni Nash at ng mga magulang nito na ginagampanan naman nina Ariel Rivera at Angel Aquino.
Kaya naman isa pa rin sa mga nangungunang serye ang Bagito nina Nash at Alexa Ilacad dahil sa epekto nito sa mga magulang at sa mga kabataan.
Sabi naman ng ilang nakakausap namin, ilang taon na lang ay si Nash na ang papalit sa iiwang trono nina Piolo Pascual, Jericho Rosales at John Lloyd Cruz na mga pambatong leading man ng Dos pagdating sa pagdadrama.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.