Makakabayad pa ba sa mga utang

Sulat mula kay Jhonna ng San Agustin, Digos, Davao del Sur
Dear Sir Greenfield,
Sa kasalukyan po ay unti-unti na kaming nababaon sa mga pagkakautang. Maliit lang kasi ang suweldo ng aking mister bilang guwardya habang ako naman ay naglalabada lang. Apat po ang anak namin na puro nag-aaral. Gusto ko pong mabago ang takbo ng aming buhay at makabayad sa mga pagkakautang para wala ng mga naniningil sa akin tuwing umaga. May pag-asa kaya kaming makabayad sa mga utang? Sana bigyan n’yo rin ako ng pampasuwerteng numero upang mabayaran na namin ang aming mga utang at maging masarap naman ang buhay ng pamilya namin kahit man lang sa Paskong darating. January 8, 1979 ang birthday ko.
Umaasa,
Jhonna ng Davao del Sur
Solusyon/Analysis:
Cartomancy:
Jack of Clubs, Ten of Hearts, at Ace of Clubs ang lumabas (Illustration 1.). Ang mga baraha ang nagsasabing sa tulong ng isang lalaking hindi rin iba sa inyo, pagdating ng taong 2015 sa buwan ng Enero, biglang magbabago ang buhay n’yo.
Palmistry:   
May Guhit ng Negosyo (Illustration 1-1 arrow 1.) sa iyong palad. Ibig sabihin, darating ang saktong panahong may magpapahiram sa inyo ng salapi para magamit sa negosyo at ang nasabing negosyoay mapapaunlad mo naman.
Itutuloy