Sarah sa pagpapakasal: Wait lang po, kausapin n’yo po ang nanay ko!

MAY kumalat na video sa social media kahapon na kuha sa isang bahagi ng US concert tour ni Sarah Geronimo sa Kupferberg Center for the Arts kamakailan.

Isang Popster na may handle name sa Instagram na @Roy_regina_anderson ang nag-post ng nasabing video kung saan makikita ang pakikipagchikahan ni Sarah sa mga nanood ng concert.

Sa nasabing video, habang nagkukuwento si Sarah tungkol sa kanyang career at personal life, may biglang sumigaw mula sa audience ng “Mag-asawa ka na!” at nagtanong kung kailan daw siya magpapakasal.

Natawa muna ang Popstar Royalty saka nag-dialogue ng, “Huwag po kayong ganyan! Kausapin niyo po ‘yung nanay ko. Huwag ganyan! Ha-hahaha!”

Hirit pa ng Kapamilya singer-actress, “Nagtatrabaho po ako, ma’am. Wait lang, ma’am. I’m working here. Don’t you distract me, ma’am. Because I’m distract-able! Asan na nga ba ako? Ma’am kasi sabi ko, huwag niyo ako idi-distract.”

Seryosong sabi ng girlfriend ni Matteo Guidicelli sa audience, “Hindi love life, hindi success sa trabaho ang makakapagbuo sa ‘yo, kundi relasyon mo talaga sa Panginoong Diyos.”

Dito nagtawanan na rin ang audience at nagpalakpakan. Sa mga sumunod na concert ni Sarah sa US, hindi na ito nakitaan ng tensyon o pagkalungkot sa kabuuan ng show. Game na game na rin itong nakipagbiruan at nakikipagchikahan sa kanyang mga fans.