Quantcast

Anak maagang nag-asawa, ayaw mag-aral

By

GOOD day, Ateng Beth.

Bakit po ganoon, kahit anong sipag ko ay hindi pa rin ako umaasenso? Anim po ang anak ko at vendor lang po ang ka-live-in ko at isa po akong security officer. Yung panganay kong anak na babae ay nag-asawa na, 16 years old po lang siya. Yung pangatlo kong anak huminto naman sa pag-aaral. Kahit anong pilit ko na bumalik siya, ayaw pa rin bumalik.

Hindi naman ako nagkulang sa kanila, sinusuportahan ko naman sila para makapagtapos sa pag-aaral pero sila mismo ang pasaway. Sa tingin n’yo po ba may pag-asa pa akong umasenso o makapagtapos man lang ng pag-aaral ang iba ko pang anak?

Sana po matulungan ninyo ako. God bless po. —Ventura

Hello, Ventura!
Honestly, hindi ko alam paano ka matutulungan o paano masasagot ang tanong mo tungkol sa pag-asenso o kung mapag-aaral mo ba ang mga anak mo.

Ang alam ko mahigit sa kalahati ng tao sa mundo ay naghihirap. Kaya wala tayong pagpipilian kundi manatiling magpursigi.

Kung pagpapalain ang tapat nating pagsisikap, salamat kay Yahweh El Shaddai. Kung hindi, magpasalamat pa rin dahil kahit paano ay buhay tayo at nakakapagpursige.

Tungkol sa mga anak mo, lalo na doon sa 16-anyos na nag-asawa na, pinili niyang mag-asawa nang maaga, hayaan mo siyang harapin ang buhay niya.

Kung ayaw mag-aral ng isa mong anak, hayaan mo rin siya, kesa magsayang pa kayo ng pera para sa baon na hindi niya naman ikatututo.

Mayroon ka pang ibang anak, sila ang pag-ukulan mo ng pansin, baka isa sa kanila ang magtiyaga sa pag-aaral at may pangarap na umasenso. Malay mo ay siya ang mag-aahon sa inyo sa kahirapan.

Minsan ang buhay at pag-asenso ay depende sa pagtingin natin.

Bilangin mo ang mga mabubuting nangyayari sa iyo at sa pamilya sa araw-araw, baka magbago ang pagtingin mo sa iyong buhay. Minsan may mga pagpapala sa buhay natin na nandiyan na pala pero hindi mo lang napapansin.

Tumulong ka sa mga hindi kayang ibalik sa iyo ang tulong mo baka mapasaya mo ang iyong sarili.

At higit sa lahat, mabuhay ka ng may dignidad, pagpupursige at pag-asa, baka sakaling magulat ka, andun ka na pala sa tagumpay.

Keri lang ‘yan!

May problema ka ba sa puso, relasyon, pamilya,trabaho o pinansiyal, mag-text na kay Ateng Beth sa 09156414963

Complete stories on our Digital Edition newsstand for tablets, netbooks and mobile phones; 14-issue free trial. About to step out? Get breaking alerts on your mobile.phone. Text ON INQ BREAKING to 4467, for Globe, Smart and Sun subscribers in the Philippines.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

To subscribe to the Philippine Daily Inquirer newspaper in the Philippines, call +63 2 896-6000 for Metro Manila and Metro Cebu or email your subscription request here.

Factual errors? Contact the Philippine Daily Inquirer's day desk. Believe this article violates journalistic ethics? Contact the Inquirer's Reader's Advocate. Or write The Readers' Advocate: c/o Philippine Daily Inquirer Chino Roces Avenue corner Yague and Mascardo Streets, Makati City, Metro Manila, Philippines Or fax nos. +63 2 8974793 to 94





TODAY'S ISSUE OF BANDERA

Advertisement