B-day wish ni Maymay kay Edward: Huwag kang magbabago, minahal ka naming lahat kung sino ka!
“WISH ko sa ‘yo sana huwag kang magbago, kasi minahal ka ng tao kung sino ka!” Ito ang birthday message ni Maymay Entrata para sa kanyang ka-loveteam na si Edward Barber.
Nag-celebrate ng kanyang ika-17 kaarawan ang binata kahapon pero binigyan siya agad ng bonggang birthday dinner ng mga loyal fans nila ni Maymay last Thursday.
Dugtong pa ni Maymay, “Tapos ano ka lang parang sana kung paano ka maging caring sa lahat ng tao sana ganon pa rin. Kung gaano ka-loveable na person, just stay who you are because all of us love you as who you are.”
Hirit pa ng dalaga sa kanyang birthday message kay Edward, “Sana ‘yung pagiging maalagain mo sa pamilya mo at ‘yung pagiging matulungin mo talaga kasi iyon ‘yung nagustuhan ko sa kanya, ‘yung pagiging matulungin po niya sa charity at tsaka sa mga bata. Huwag kang magbago at ‘yun maging maka-Diyos ka pa rin.”
Narito naman ang wish ni Edward sa kanyang 17th birthday, “With everything changing at the moment, one thing that I will keep the same is that my family will be there because I won’t be able to get this far without them.
“And for my family and friends to be safe and I hope things will stay the same because I know all things are changing, with all the blessings coming, I just hope the people I love will still be there. And sana gumaling na akong mag-Tagalog,” aniya pa.
Siyempre, walang katapusan din ang pasasalamat ng binata sa MayWard fans na nag-organize ng birthday dinner para sa kanya, “I am very happy and very surprised!”
Dugtong pa niya, “Actually I’m turning 17 on the 15th (kahapon) so I’m still enjoying my last few days of being a child I guess because as soon as I turn 17 it is a step closer, as my parents say, to becoming a man, a really grown man.
“I am looking forward to the challenges and experiences that I will have,” sabi pa ni Edward.
Samantala, ngayon pa lang ay atat na atat nang mapanood ng milyun-milyong MayWard fans ang launching movie ng dalawang Kapamilya youngstars, ang “Loving In Tandem” under Star Cinema kung saan makakasama rin nila sina Kisses Delavin at Marco Gallo.
Request naman ng ilang tagahanga nina Maymay at Edward, sana raw ay mas dumami pa ang eksena nila sa La Luna Sangre nina Kathryn Bernardo at Daniel Padilla.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.