Nora, Vilma, Charo, Ai Ai, Jaclyn, Rhian bakbakan para sa Best Actress Award

BAKBAKAN sina Vilma Santos, Nora Aunor, Jaclyn Jose, Hasmine Kilip, Rhian Ramos, Charo Santos at Ai Ai delas Alas para sa Best Actress sa unang The Eddys: The Entertainment Editors’ Awards mula sa SPEEd (Society of Philippine Entertainment Editors).

Sa press launch ng bagong award-giving body, inihayag ni Isah Red, Presidente ng SPEEd, ang mga movie personalities at pelikula na binigyan nila ng nomination.

Nominated si Ate Vi para sa movie niyang “Everything About Her” . Ang performance sa “Ma’ Rosa” ang pambato ni Jaclyn habang “Pamilya Ordinaryo” naman sa baguhang si Hasmine Kilip.

Ang pelikulang “Tuos” ang panlaban ni Ate Guy habang si Rhian naman ay ang “Saving Sally”. Si Ai Ai ay sa “Area”nakakuha ng nominasyon habang si Charo naman ay para sa comeback film niyang “Ang Babaeng Humayo.”

Nominees sa Best Actor sina Daniel Padilla (Barcelona: A Love Untold), Paolo Ballesteros (Die Beautiful), Enzo Marcos (Saving Sally), Dingdong Dantes (The Unmarried Wife) at Ronwaldo Martin (Ang Pamilya Ordinaryo).

Nominees for Best Picture ang Pamilya Ordinaryo (Eduardo Roy, Jr.), Ang Babaeng Humayo (Lav Diaz), Saving Sally (Avid Liongoren), Everything About Her (Joyce Bernal) at Die Beautiful (Jun Lana) at Best Director.

Sa Best Supporting Actor naman, maglalaban-laban sina Joel Torre (Die Beautiful), Christian Bables (Die Beautiful), John Lloyd Cruz (Ang Babaeng Humayo), Xian Lim (Everything About Her) at Moira Lang (Pamilya Ordinaryo).

Nominado naman para sa Best Supporting Actress category sina Barbie Forteza (Tuos), Aiko Melendez (Barcelona), Maria Isabel Lopez ( Pamilya Ordinaryo), Angel Locsin (Everything About her) at Gladys Reyes (Die Beautiful).

Bukod sa acting at technical awards, may tatlong special awards pang ipamimigay ang SPEEd sa July 9 ceremonies na gagawin sa Kia Theater. Isa na rito si Mother Lily bilang Ina ng Pelikulang Pilipino.

Siyempre, handa na ang SPEEd sa mga hater, basher at troll sa pagbibigay nila ng awards. Dahil nasa loob sila ng movie industry, higit silang may karapatan magbigay ng award kumpara sa ibang biglang nagsulputan na lang, huh!

Ang magsisilbing hosts ng The Eddys ay ang mag-amang Edu at Luis Manzano.