Arjo kay Coco: Makakabawi rin ako sa’yo…salamat sa turo at gabay!!!

ARJO ATAYDE AT COCO MARTIN

PARA siguro hindi mainip dahil nasanay nang laging may ginagawa ay gumawa ng #operationtaba program si Arjo Atayde kasama ang inang si Sylvia Sanchez. Tumatakbo sila sa Ultra Oval araw-araw simula pa noong nakaraang linggo.

Base sa nakikita naming mga litratong ipino-post ni Ibyang ay ilang beses nilang iniikot ang oval at patakbo pang inaakyat ang hagdanan.

Nitong Linggo ay nag-post si Arjo ng litratong kasama si Coco Martin na kuha sa huling taping niya bilang Joaquin Tuazon sa FPJ’s Ang Probinsyano.

“No one will ever know how much you’ve helped me. Maraming-maraming salamat sa turo at gabay. 2 taon tayong nagkasama and no one can replace the memories and brotherhood we’ve built throughout that span of time.

“From day 1 till the end hindi mo ako pinabayaan. One day paps makakabawi din ako sayo hindi ko alam kung paano pero babawi ako. Walang Joaquin kung hindi dahil sayo.

“Maraming-maraming salamat paps isang tawag lang anytime kung kontrabida mo dito lang ako. I love you so much paps, take care always man, dadalaw ako sa taping. #TeamPromdi forever paps. mamimiss kita katrabaho,” mensahe ni Joaquin kay Cardo Dalisay.

Nauna nang pinasalamatan ni Arjo ang buong staff and crew pati utility at co-actors niya sa FPJAP sa tiyaga sa kanya at sa ABS-CBN lalo na kay Dreamscape Entertainment business unit head, Deo Endrinal sa tiwalang ibinigay sa kanya.

“Paps” ang tawag ni Arjo kay Coco dahil ito pala ang tawagan nilang CIDG boys na brotherhood ang ibig sabihin.

Going back to #operationtaba program ng mag-ina ay tatagal daw ito ng isang buwan para mas maging fit sila, kasama rin nila ang kanilang instructor at kahapon ay nakita naming kasamang tumatakbo ni Ibyang si Elma Muros, ang ating Southeast Asian Games champion.