Emergency employment sa mga biktima ng kalamidad, pinabilis | Bandera

Emergency employment sa mga biktima ng kalamidad, pinabilis

Liza Soriano |March 01,2017
facebook
share this

Emergency employment sa mga biktima ng kalamidad, pinabilis

Liza Soriano - March 01, 2017 - 12:10 AM

PINABILIS ng Department of Labor and Employment (DOLE) ang pagkakaloob ng emergency employment sa mga biktima ng kalamidad

At para mapabilis ang pagbibigay ng emergency employment sa mga manggagawang–benepisyaryo na naapektuhan ng kalamidad, , hindi na sakop ang mga manggagawa sa pagbibigay ng personal protective equipment (PPEs) at micro-insurance, kung hindi delikado ang kanilang magiging trabaho.

Sa inilabas na Administrative Order No. 54, hindi na kakailanganin ang pagbibigay ng PPEs, tulad ng hat at t-shirt, at personal accident insurance sa manggagawang-benepisarsyo kung ang magiging gawain nito ay wala sa itinuturing na delikadong trabaho na nakasaad sa Rule 1013 ng Occupational Safety and Health Standards.

Isa ito sa kondisyon na dapat ibigay sa programang Tulong Panghanapbuhay sa Ating Disadvantaged/Displaced Workers (TUPAD) Program o Emergency Employment Program (EEP).

Ang TUPAD Program o EEP ay isang tulong na ibinibigay sa mga manggagawang naapektuhan ng kalamidad tulad ng bagyo, lindol, at pagbaha. Ito ay isang community-based package of assistance na nagbibigay ng emergency employment sa mga manggagawang nawalan ng trabaho, na may minimum na 10 araw, ngunit hindi lalampas ng 30 araw, depende sa klase ng trabahong gagampanan.

Sa ilalim ng pamantayan ng ligtas at malusog na manggagawa, ang mga sumusunod ang tinuturing na mapanganib na gawain:

(1) Kung ang manggagawa ay expose sa mga delikadong contaminants tulad ionizing radiation, chemicals, fire, flammable substances, noxious components at iba pa;

(2) Kung ang trabaho ay nasa construction, logging, firefighting, mining, quarrying, blasting, stevedoring, dock work, deep-sea fishing at mechanized farming;

(3) Kung ang magiging trabaho ay sa pagawaan ng paputok o iba pang pyrotechnic products;

(4) Kung sila ay gagamit o hahawak ng power-driven o explosive powder actuated tools; at

(5) Kung ang manggagawa ay expose sa biologic agents tulad ng bacteria, fungi, viruses, protozoas, nematodes, at iba pang parasites

Labor Communications Office
Department of Labor and Employment
Intramuros, Manila
Telephone Nos.: 5273000 local 621-627
Fax No.: 5273446

***

May nais ba kayong isangguni sa Aksyon Line? Maaari kayong sumulat sa aming tanggapan Aksyon Line c/o Inquirer Bandera, MRP bldg., Mola st. cor. Pasong Tirad st., Makati City o kaya ay mag-email sa [email protected] or jenniferbilog97@ gmail.com.
Hangad ng Aksyon Line na buong puso namin kayong mapaglingkuran sa abot ng aming makakaya.

***

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Ang inyo pong lingkod ay maaari rin mapakinggan sa Radyo Inquirer DZIQ 990AM sa Programang Let’s Talk; Mag-usap Tayo, tuwing Lunes, Miyerkules at Biyernes, alas-7 hanggang alas-8 ng gabi; at Isyu ng Bayan tuwing Linggo, alas-8 hanggang alas-10 ng umaga. Maaari rin po ninyo na matunghayan o mapanood sa pamamagitan ng live streaming www.ustream.tv/channel/dziq.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending