Arjo, Bela ibabandera ang lihim ng media at politika sa ‘OTJ the Series’

ARJO ATAYDE AT BELA PADILLA

ANG ganda ng pagpapakilala ni Direk Erik Matti kay Arjo Atayde sa nakaraang presscon ng OTJ The Series na mapapanood na very soon sa video-on-demand ng HOOQ sa pakikipagtulungan ng Globe Studios at Reality Entertainment.Ang Reality Entertainment ni Dondon Monteverde ang producer ng “OTJ” movie nina Piolo Pascual at Gerald Anderson na isa na ngayong mini series sa online platform.

Isa nga si Arjo sa mga bibida sa OTJ mini-series, “I’ve been looking for a way to cast him in my previous movies in any role primarily because in a teleserye where your subtleties are not really being asked of you as an actor, he performs in the most subtle way, but still has a lot of strength and bravo to it.”“We have three segments here, there’s the story of small town which is La Paz, story of Manila featuring a huge TV network and story of prison camp. In the Manila story, we have Bela (Padilla) working with Arjo who is an ex-journalist who becomes a Congressman,” kuwento pa ni direk.

Napangiti naman si Arjo sa sinabing ito sa kanya ng direktor, “When they called me, I was very much happy because ‘OTJ’ is one of my favorite movies and it is very interesting that it turned into a series and of course it is also of my dream to work with you direk (Erik) and it’s such an honor.

“I’m very blessed to be part of this team with a very good cast, seeing all of them gives me goosebumps and of course I want to thank Globe for making this possible, thank you so much and I hope you guys enjoy it, and sana may season 2,” aniya pa.Hindi pa raw nagwo-workshop ang aktor para sa bago niyang karakter sa OTJ dahil wala siyang oras, abala pa rin kasi siya sa araw-araw na taping ng FPJ’s Ang Probinsyano.“More on explanation lang po kasi wala na akong time, pero researching as an actor for the role, nagagawa ko naman. Ang galing naman ding mag-explain ni direk Erik ng character so far, okay naman,” katwiran ng binata.

Kung kontrabida si Arjo sa Ang Probinsyano bilang si Joaquin Tuazon ay kabaligtaran naman ang role niya sa OTJ mini-series, gaganap siya ritong congressman na tutulong sa mga nangangailangan.“It’s a very driven character, generally speaking, and ayokong ikuwento na, pero sabi nga kanina, I’m an ex news-anchor who became a congressman, who believes that he is more of a politician and not just a news anchor,” sabi ni Arjo.Tinanong namin kung ano ang magiging kuneksyon niya kay Bela Padilla na isang magandang journalist sa istorya.

“Love-hate relationship kami, so may love story going on and the same time, two different worlds but still love brings them back, somehow. The special connection they have to each other brings them back,” sabi ng aktor.Samakatuwid loveteam sina Arjo at Bela sa OTJ na hindi nga natuloy sa Ang Probinsyano. Natawa si Arjo sabay sabing,

“Yung romance kasi namin sa Probinsyano hindi naman talaga romance, may paghihiganti. Dito naman more on love talaga.

“Idiniin ng aktor na bagong character siya sa OTJ na wala sa pelikula noon nina Piolo at Gerald.Sa tanong kung paano pa hahatiin ng aktor ang oras niya dahil sa tapings palang ng Ang Probinsyano ay busy na siya, “Sabi ko nga po, kahit araw-araw ako mag-taping, basta makatrabaho ko lang si direk Erik, kahit weekends ko, makuha na ng OTJ, okay lang.

“I wanna be part of this. And of course the fact na handpicked ako ni direk Erik, that’s really something for me to look forward,” katwiran ng binata.At dahil ipalalabas din sa ibang bansa ang OTJ mini-series sa pamamagitan ng HOOQ ay may subtitle raw ito kaya maiintindihan din ng mga foreigners.