Jasmine sa mga tibo: Tao rin sila!

JASMINE CURTIS AT LOUISE DELOS REYES

GAME na game naman si Jasmine Curtis sa pakikipaghalikan kay Louise delos Reyes sa Cinema One Originals Film Festival entry na “Baka Bukas” na tungkol nga sa dalawang babaeng nagkainlaban.

Sa press launch ng taunang filmfest ng Cinema One Originals, sinabi ni Jasmine na trabaho lang at walang personalan ang ginawa nila sa movie.

“I think what helped a lot was that first day pa lang, nag-usap na kami ni Louise. It was very important na pag alam mo na may ganung kailangan na eksena from you, as an actor, ikaw na ang may responsibility na gawing komportable for you. The most you can do is talk to your director,” paliwanag ng sister ni Anne Curtis.

Aniya pa, “I would talk to Louise all the time, nagpapakuwento ako sa kanya. Likewise, nagkukuwento rin ako ng mga kung ano-anong bagay.

“Naghahanap ako ng common ground namin all the time. Para pagdating ng kailangan ng time na may tension, hindi siya awkward. Yung tipong it just feels right. Hindi naman sa naguluhan ka na kung ikaw pa ba ang role or tao pero nandu’n ka na sa time na may sakto na kayong level of comfortability.

“No matter whatever happens, it’s all professional and kahit anong sabihin ng tao, I have a bond naman with Louise and I made her comfortable enough,” ani Jasmine.

Hindi ba siya natatakot na baka maapektuhan ang endorsements niya sa paggawa ng mga ganitong uri ng pelikula? “No. This shouldn’t be an issue at all. If people of the straight kind can do torrid kissing scenes, at what hour on primetime TV, why can’t we make a film with one simple kiss?

“There shouldn’t be anything to be afraid of or to be ashamed of or to even consider when it comes to endorsements. This is just another film about two people who are in love. Ang difference lang naman is that we’re lesbians. We’re still people,” depensa pa ng dalaga.