Pia biktima ng pekeng balita na may konek sa droga

PEKE ang kumalat na balitang naaresto diumano si 2015 Miss Universe Pia Alonzo Wurtzbach matapos matagpuan ang 10 kilos ng cocaine sa kanyang bagahe.

Nangyari raw ang insidente sa Kuala Lumpur, Malaysia nitong nagdaang weekend kung saan naaresto raw si Pia nang magtangka itong magpuslit ng cocaine.

Kinontra naman ito ni Esther Swan, ang tumatayong manager ni Pia at sa pamamagitan ng Facebook ay nilinaw nitong wala sa Malaysia ang beauty queen at nananatiling nasa Amerika para sa kanyang mga commitments bilang reigning Miss Universe.

Narito ang kabuuang mensahe ni Esther Swan sa kanyang Facebook account: “Not sure who the young woman is in this news post, but I hope help comes her way. Miss Universe, Pia Wurtzbach, has never been to Malaysia and has been working in the States for the past week.”

Ipinost din nito sa social media ang link kung saan lumabas ang fake na balita. Wala namang sinabi ang manager ni Pia kung magsasampa sila ng demanda laban sa sumulat at nag-post ng nasabing balita.

q q q

Speaking of Pia Wurtzbach, mismong ang Filipino-Swiss racer na si Marlon Stockinger na ang nagsabi na nagde-date sila ng reigning Miss Universe.

Sa panayam ng ilang entertainment reporter sa nakaraang Star Magic Ball 2016, sinabi nitong napakaswerte niyang lalaki dahil nabigyan siya ng chance na makilala at mapalapit kay Pia.

“The truth? Let’s put it this way if Pia was here tonight she’d be my date here so yeah obviously we see each other but we just want to keep it down low pretty much but yeah, I’ve been seeing Pia,” pahayag ni Marlon.

Dugtong pa ng gwapong binata, “It’s amazing! Pia is very beautiful of course, that is the reason why she is Miss Universe. I just feel lucky that we got to meet and we’ve been seeing each other.”

Dinepensahan naman niya ang dalaga laban sa mga bashers na nagsasabing pinaasa lang ni Pia ang tinaguriang sexiest doctor alive na si Dr. Mike Varshavski. Ilang buwan din silang nag-date noon pero bigla lang naudlot ang kanilang relasyon.

“I guess we wouldn’t be seeing each other if that was happening, so what I know is it’s just Pia and I at the moment,” ani Marlon.

Tungkol naman sa long distance affair nila ni Pia, “Well it’s difficult obviously she’s across the Atlantic right now, I’m here in the Philippines I’m also in Europe so whenever we get the chance, we make the most out of it.”

Pagpapatuloy pa nito sa estado ng relasyon nila ni 2015 Miss U, “You can say that were on the early stages, obviously we’ve only just begun to know each other and can’t predict the future right now, but probably that would be an awesome Christmas gift, so we’ll see.”