Duterte kinansela ang pagbisita kay GMA sa Pampanga dahil sa masamang panahon

KINANSELA ni Pangulong Rodrigo Duterte ang planong pagbisita kay dating pangulo at ngayon ay Pampanga Rep. Gloria Macapagal-Arroyo sa kanyang bahay sa Lubao, Pampanga dahil sa masamang panahon.
Inihayag ni Marciano Paynor, chief ng PresidentialProtocol Office ang kanselasyon ng iskedyul ni Duterte.
Inimbitahan si Duterte ni Arroyo para sa piyesta ng St. Augustine, ang patron saint ng bayan.

“The pilots made two roving flights. But clouds 400 feet high south of here were heavy and it was raining very hard. The pilot advised that the helicopter could not proceed safely,” sabi ni Paynor.
Idinagdag ni Paynor na tiniyak naman ni Duterte kay Arroyo sa isang text message na babalik siya sa ibang petsa.
Dumating naman si Foreign Affairs Secretary Perfecto Yasay kung saan sinabi niya na nakipagpulong siya sa mga kamag-anak ng pitong taga-Pampanga na ngayon ay nakakulong sa Saudi Arabia dahil sa iba’t ibang kaso.
Dumating din ang dating mga miyembro ng Gabinete ni Arroyo, bagamat hindi pinayagang makapasok ang mga miyembro ng media sa loob.