Heart planong magpabuntis kay Chiz sa February, 2017

FEBRUARY pa kakaririn ni Heart Evangelista ang pagkakaroon ng baby nila ni Sen. Chiz Escudero.

After ng GMA series niyang Juan Happy Love Story, ang ibang non-showbiz commitments ang nais niyang tapusin. Isa na rito ang exhibit ng Hermes bags na kanyang pinintahan. Kasunod nito ang pagtatapos ng cook book niya at ang launching ng kanyang perfume sa September.

Takot kasi ang Kapuso actress sa injection at dugo. Kaya naman hindi pa man nabubuntis ay desididong cesarean na ang panganganak niya. Di niya feel ang umire. Gusto rin kasi niyang tapusin ang pinagagawang bahay. Tinatapos na ang kusina at nasa finishing touches na ito. “This is my dream. My ultimate. This is the best!” ani Heart.

Katuwang niya ang asawang senador sa pagsasaayos ng gastusin sa bahay. Budgeted talaga ‘yon dahil hinaharang ang pagiging compulsive niya sa pagbili ng gamit. Walang gastos ang asawa niya sa ipinatatayong bahay.

“Complicated kasi eh. I just wanna make it clean. We’re very modern. We’re different. I don’t like the idea na pinag-uusapan ang pera. Ang sinasabi ko sa kanya, ‘Ano ang housewarming gift mo?’ Ha! Ha! Ha! “Hindi ko alam kung gusto niyang magbigay ng ref or anything. It is understood na naman, kasi nga, may pre-nup kami so I guess, that says it all!” diin ni Heart.