Luis biglang nag level-up ang pagganti sa mga bashers para ipagtanggol si Jessy

GAYA ni Cesar Montano, marami na rin ang nakakapuna sa umano’y pagiging “bastos” na rin ng ampon naming si Luis Manzano.

Aminado naman siyang binabastos din niya ang mga bashers sa social media na kung makapanlait eh wagas, lalo na kapag ang involved ay ang “special friend” niyang si Jessy Mendiola.

Mahirap talagang kalabanin ang usapin sa puso. Walang silbi ang mga masteral or doctoral degrees, ang mga values na itinuro ng ating mga magulang at minsan kahit maging ang pananalig sa Diyos, kung pag-ibig na ang pinag-uusapan.

But at the end of the day, kilala namin ang pagiging mapanuri ni Luis sa kahit anong bagay. Na ang lahat ay may hangganan kahit na ang pinaniniwalaan niyang pagganti sa kanyang mga basher sa social media sa pamamagitan ng sinasabi niyang “sense of humor”.