Umusok ang kable sa loob ng plenaryo ng Kamara de Representantes kahapon habang inihahanda ito para sa unang State of the Nation Address ni Pangulong Duterte sa Lunes.
Ang usok ay nagmula sa third gallery ng session hall at umabot sa ground floor.
Napasugod naman sa lugar ang isang firetruck ng Bureau of Fire and Protection na pumarada sa harap ng session hall.
Nabatid na sinubukan ng ilang personnel ang LED wall na ikinabit sa session hall alas-11:30 ng umaga.
Isa umano sa mga kable na nagsusuplay ng kuryente rito ay umusok.
Agad namang naputol ang suplay ng kuryente sa kable upang mapigilan ang posibleng sunog.
Nabatid na ang LED wall ay inarkila mula sa Sound Concept na siya ring naglatag ng mga ilaw sa paligid ng session hall kung saan daraan si Duterte.
Kahapon ay mahigpit na ang ipinatutupad na seguridad sa Batasan Complex. Sa pagpasok pa lamang ay pinahihinto na ang mga sasakyan kahit na ang mga regular na pumapasok doon.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.