Boy napaiyak habang nagbibigay ng graduation speech sa PWU

HINDI napigilang maiyak ng King of Talk na si Boy Abunda during his speech as a special guest speaker sa 93rd Commencement Exercises ng Philippine Women’s University na ginanap sa PICC last Saturday.

At the same time, kabilang din si Kuya Boy sa mga nagmartsa sa graduation rites as one of the PWU’s graduating students on doctorate. He graduated from his doctorate degree on Philosophy and Social Development. Kung hindi kami nagkakamali, first time at natatanging pagkakataon na may graduating student na siya rin ang guest speaker sa isang commencement exercises.

Napakapersonal at kakaiba ng speech na ibinigay niya sa kanyang mga co-graduating student ng PWU. First time kaming nakaring ng speech na binalangkas through a letter para sa kanyang pinakamamahal na ina na si Nanay Licerna Abunda. Nanay Lesing was not there sa graduation ni Kuya Boy because of her current condition. Pero aware naman daw si Nanay Lesing sa mga nangyayari kay Kuya Boy ngayon.

Sakto ang naisip ng TV host na in-address niya kay Nanay Lesing ang kanyang speech para sa kanyang adbokasiya na Make Your Nanay Proud (MYNP). Indeed, he really made his Nanay Lesing hindi lang proud, kundi very, very proud.

Nakakakurot ng puso ang mga kwento ni Kuya Boy mula sa desire ng kanyang parents na makatapos siya ng kurso either accountancy or in education. Lumuwas siya ng Maynila para makipagsapalaran sa buhay at kung paanog bumukas ang pinto ng oportunidad at ngumiti sa kanya ang kapalaran.

Ni-reveal ni Kuya Boy na umabot sa puntong ilang araw na wala siyang makain, palipat-lipat ng matutuluyan hanggang makita ang sarili na isa rin sa mga natutulog sa malawak na Luneta Park. Few days before his graduation ay nakausap namin si Kuya Boy. Medyo confused na kami kung ano ang itatawag sa kanya, Dr. Boy or Kuya Boy pa rin.

“I am welcoming to any kind of name, Ha-hahaha! Pero ‘yun lang ba? Wala na bang susunod,” pabirong sabi ni Kuya Boy.  Nag-aral siya sa Ateneo University ng Business Management pero hindi niya natapos. He went back to school through Expanded Tertiary Education Equivalency and Accreditation Program (ETEEAP) at nakatapos ng kurso on Communications sa PWU.

“From my diploma I went for my Master’s in Communications. Pinaghirapan ko ‘yan. Nag-double Master’s ako, wala lang akong thesis doon sa International Relations and Public Diplomacy kasi gusto ko pang maging mahusay mag-interview lalo na kapag politika ang pinag-uuspaan. Hindi ako huminto doon.  “I could have taken PhD in Communications. Pero nag-PhD ako in Social Development because I wanted a course that was not comfortable to me,” lahad ni Kuya Boy.

Napakaimportante kay Kuya Boy ng edukasyon kaya aral siya nang aral, “I don’t want to stop learning. I am an interviewer. Ah, kahapon nga pinanood ko pa ‘yung Donald Trump-Meagan Kelly interview. Sabi ko, ang dami ko na namang madidiskubre. It’s a constant discovery of news style. How people are doing it now. Hindi ka pwedeng magsabing ‘you are the best.’ Hindi, nagbabago, e,” diin niya.