Revilla hindi pinayagang pumasok sa Senado

Ibinasura ng Sandiganbayan First Division ang mosyon ni Sen. Ramon Bong Revilla Jr., na makapasok sa huling tatlong sesyon ng Senado.
Ayon sa korte hindi maaaring gampanan ni Revilla ang kanyang pagiging senador habang siya ay nakakulong.
“It is a matter of record that accused Revilla, Jr., is a detention prisoner whose petition for bail had been denied. As such, he cannot discharge his office while in detention,” saad ng desisyon ng korte.
Hiniling ni Revilla na makadalo sa sesyon ng Senado mula Hunyo 6 hanggang 8. “Considering that is is Sen. Revilla’s as term as a member of the Senate, he sincerely intends to complete the functions of his office, and be of continuous service to the Filipino peoples, whose overwhelming faith, trust and confidence elected him to said position,” saad ng mosyon ni Revilla.
Sinabi ng korte na hindi kabilang ang pagpasok ni Revilla sa kanyang opisina sa mga pagkakataon na maaari siyang lumabas ng kanyang kulungan.
“Indeed, the Court cannot consider the accused-movant’s prayer as a special circumstance which could be treated as an exception to the general restrictions on his rights as a detention prisoner.”
Si Revilla ay nakakulong sa Philippine National Police Custodial Center kaugnay ng kinakaharap nitong plunder.
Siya ay inakusahan na tumanggap ng kickback mula sa mga non government organization ni Janet Lim Napoles kung saan napunta ang kanyang pork barrel fund.