Serye Nina Ser Chief At Juday Tuloy Pa Rin

UMAASA si Richard Yap na itutuloy pa rin ng ABS-CBN ang naantala nilang pagsasama sa unang pagkakataon ni Judy Ann Santos sa isang teleserye. Magsisimula na sana ang taping noon ni Richard para sa serye nila ni Juday ngunit bigla ngang nabuntis ang misis ni Ryan Agoncillo.

Dahil sa kalagayan ni Juday hindi na muna itinuloy ang serye. Pero nagkaroon ng announcement ang Kapamilya network na temporary lang daw ang pagka-shelve nito at once nakapanganak na si Juday, possible pa rin daw itong ituloy.

Noong nakausap namin si Richard after ng premiere night ng “Just The Three of Us” where he played the “young” father of John Lloyd Cruz, sinabi niya sa amin na it all depends on ABS-CBN kung ano ang gagawin nila ngayong nakapanganak na si Juday.

“Sabi nila, tuloy daw ‘yun,” sambit ni Richard. “Hindi naman ‘yun talaga shelved kasi approved na ‘yung project na ‘yun, e.” We still remember na excited pa si Juday when she mentioned about a new teleserye sa Kapamilya network sa presscon niya for Maalaala Mo Kaya’s Mother’s day offering last year.

Mukhang okey na rin naman atang umarte ulit si Juday. Siguro ay magpapapayat lang muna siya bago humarap ulit sa kamera. At malay natin, anytime next month ay ready na ang young Superstar sa kanyang pagbabalik. Sunud-sunod din kasi ang mahahalagang events sa buhay ni Juday after she gave birth sa bunsong anak nila ni Ryan na si Luna.

Muling “nagpakasal” sina Juday at Ryan for the renewal of their vows before her birthday sa Batangas kung saan may bahay ang mag-asawa sa bandang Calatagan na ang nagdisenyo ay ang ex-boyfriend ni Zsa Zsa Padilla na si architect Conrad Onglao. Then, nag-birthday din si Juday last May 11 kasunod naman ang Mother’s day. Kaya busing-busy talaga ang Santos-Agoncillo family sa mahahalagang okasyon na ‘yun.

Going back to Richard, bago ang teleserye niya with Juday mauuna na ang movie project for him. Nagsimula na for sure si Richard na mag-shoot para sa inaabangang movie niya with his “ex-partner” na si Jodi Sta. Maria plus Ian Veneracion.

“Yes, for this year ‘yan. May playdate na nga, e. Sa June, mga ganoon, more or less,” sabi ni Richard.
Ex-boyfriend ni Jodi ang role ni Richard and of course, happy siya na magkakasama ulit sila ni Jodi sa isang project, “Masaya kasi ‘yung samahan namin. Ah, at least, hindi na kami getting to know each other. Ngayon, it’s just the three of us nina Ian and Jodi. Ha-hahaha!”

Natawa si Richard kasi pasok na pasok for promo ng “Just The Three of Us” movie nina John Lloyd at Jennylyn Mercado (na showing pa rin sa mga sinehan) ang sinabi niya. At ang “Getting To Know Each Other” na kanta na ginamit naman bilang theme song ng movie. Galing nSer Chief, ‘di ba?