Bishop kinumpirma na pinatawad na ni Pope Francis si Duterte matapos siyang murahin
KINUMPIRMA ni Bishop Romulo Valles ng Archdiocese of Davao ang naging pahayag ni Davao City Mayor Rodrigo Duterte na positibo ang naging tugon ng Vatican sa kanyang sulat matapos humingi ng kapatawaran kay Pope Francis.
Pinirmahan ang sulat ni Angelo Becciu, na ayon kay Valles, ay isa sa mga sekretarya ng Papa.
“His Holiness Pope Francis has received your letter of 21 January 2016, and
he has asked me to respond on his behalf. He appreciates the sentiments
which you expressed,” sabi ni Becciu sa kanyang sulat kay Duterte.
Matatandang minura ni Duterte si Pope Francis matapos umanong mabiktima ng matinding trapik sa Maynila dahil sa pagdalaw ng Papa sa Pilipinas noong Enero, 2015.
Binatikos naman ng mga netizen si Duterte, dahilan para humingi siya ng paumanhin sa Papa.
“The Holy Father offers the assurance of his prayers for you, as he invokes
upon you the divine blessings of wisdom and peace,” ayon pa sa sulat.
May petsang Pebrero 24, 2016 ang dalawang-pahinang sulat.
Sa isang biglaang press conference, sinabi ni Valles na ipinadaan ang sulat sa opisina ng Papal Nuncio, sa Maynila, na siya namang nagpadala ng sulat sa kanyang opisina.
“We were so busy with the Holy Week activities that we did not have time to go through the mails,” dagdag ni Valles.
Aniya, nakita niya ang sulat ng Vatican kasama ng mga naipon na sulat noong isang linggo.
“It was nice to know that the Pope found time to respond to a
letter from a flock,” dagdag ni Valles.
“As it is nice to know that a flock would write to the Pope to ask
forgiveness,” ayon pa kay Valles.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.