Jonalyn Viray certified kapamilya na: Kinakabahan na nga po ako, e!

NATUPAD na ang pangarap ng dating Kapuso performer na si Jonalyn Viray – isa na siya ngayong certified Kapamilya.

Si Jonalyn ang kumanta ng theme song ng bagong Kapamilya teleserye na We Will Survive, ang “I Will Survive” starring Pokwang and Melai Cantiveros. In fairness, talagang nagulat ang entertainment press nang biglang pumagitna sa stage si Jonalyn at bumirit ng “I Will Survive.”

Ipinakilala siya sa presscon bilang Ms. Jona, ang bago niyang screen name. Ayon sa dalaga, “Siyempre po, very happy at kinakabahan po ako. Kinakabahan, yes, kasi siyempre bagong environment, bagong makakatrabaho.

Pero masaya po ako kasi bagong experiences po ito para sa akin, so nae-excite po ako.” Nagdesisyon siyang lumipat na sa ABS dahil, “Mas nabigyan po nila ako ng tiwala sa ngayon at, kumbaga, meron pong naka-line up talaga na project for me.”