Jasmine sa mga Basher nila ni Erwan: Masasakit yung mga sinasabi nila pero hindi ako affected!

MATAGAL nang super close sina Jasmine Curtis at Erwann Heussaff, ang long-time boyfriend ni Anne Curtis kaya wala raw malisya ang pagiging “intimate” nila sa isa’t isa.

Kung matatandaan naging viral ang Snapchat video ng dalaga kung saan makikitang nakayakap sa kanya si Erwan mula sa likuran habang hinahalikan siya sa pisngi.

At dahil sandamakmak ang nag-react sa nasabing video na karamihan ay negatibo, mabilis itong tinanggal ni Jasmine sa kanyang social media accounts. Grabe rin ang masasakit at bastos na komento ang tinanggap ng sister ni Anne dahil dito.

“Ewan ko ba…actually, hindi ako nasaktan. More than anything, nagulat lang the way people reacted,” ang tugon ni Jasmine nang hingan ng reaksiyon sa nakaraang presscon ng bago niyang proyekto sa TV5, ang pagbabalik sa telebisyon ng Ang Panday starring Richard Gutierrez.

Pagpapatuloy ng dalaga, “But, at the end of the day, you can’t avoid that there are cultural differences, there are people who might just don’t understand the relationship that the three of us have.

“So I can’t blame them, I guess. I can’t see what they can see but, at the same time, they don’t know us personally. We’ve been that way ever since they’ve (Erwan at Anne) been dating.

So it’s not that biglaan lang na may na-develop na ganu’n na closeness between us,” aniya pa. Sey pa bagong leading lady ni Richard sa Ang Panday na mapapanood na simula sa Feb. 29, Monday sa TV5 (after PBA), hindi naman naapektuhan ang relasyon nila ni Erwan, hindi rin daw sila nagkaroon ng away ni Anne, “Between the three of us, it was never been an issue.

The fact na naging malaking issue siya sa ibang tao or sa public, parang…well, unavoidable naman talaga. Yun lang.” Nabasa ni Jasmine ang ilan sa mga masasakit na comment ng bashers against her and Erwan, pero aniya, hindi naman daw niya sineryoso ang mga ito kaya hindi siya masyadong apektado.

“Hurtful, but I don’t know them personally, they don’t know me personally. So I don’t let it affect me. And yun, like what I said, the relationship between the three of us has always been that way.

“Pero hindi naman nila talaga alam kung paano yung dynamics namin. Hindi ko rin siya iniyakan, actually, hindi talaga ako affected sa issue. More than anything siguro, kinukuwestiyon ko lang paano yung ganu’n, yung mga isip ng mga tao,” sey ng dalaga.

“Actually, natawa lang din siya (Erwan). Si Ate, natawa lang din. Yun nga, people don’t understand the dynamics of what actually happened. And with a screenshot, not the entire video taken, it can be interpreted in so many ways. So I can’t blame people for it.”