New single ni Alden, No. 1 agad sa iTunes; talbog si Justin Bieber, Taylor Swift

TINALBUGAN ni Alden Richards sina Justin Bieber at Taylor Swift ngayong araw kung bentahan ng single sa iTunes ang pag-uusapan.

Ayon sa report, naging number one agad ang bagong single ng Kapuso singer-actor sa iTunes’ Philippine song charts.
Ang “Wish I May” ng ka-loveteam ni Yaya Dub ang most downloaded song sa iTunes as of this hour.
Kahapon lang ni-release ang nasabing single ni Alden pero napakabilis nitong umakyat sa number one spot.
At dahil sa wagas na suporta ng fans nina Alden at Yaya Dub, tinalo niya ngayong araw sa iTunes sina Justin Bieber, kung saan pumangalawa lang ang latest single nitong “What Do You Mean?” habang pumangatlo naman ang kanta ni Taylor Swift na “Wildest Dreams”.
Bukod dito, ang self-titled album ni Alden na ni-release noong 2013 ang sinasabing highest-selling album ngayon sa iTunes among Philippine releases.