Dahil sa dami ng lumalait at nagbabantang fans
MUKHANG hindi na tuloy ang pagsasama nina Gerald Anderson at Cristine Reyes.
Tama ba ang nabalitaan namin na nagpasya ang ABS-CBN na huwag nang ipareha si Gerald kay Cristine?
Marami ang nag-react when rumors floated that Cristine will be Gerald’s next leading lady in a soap opera.
Mostly, ayaw kay Cristine ng mga fans. Sari-saring dahilan ang ibinibigay nila, kesyo hindi bagay ang dalawa, kesyo hihilahing pababa ni Cristine si Gerald, kesyo magiging nega na rin ang dating ni Gerald dahil kay Cristine.
Ang nakakatawa pa nga, may isang fan ang tila nagmakaawa sa Dos na palitan na lang si Cristine at ibang Kapamilya star ang itambal sa young actor.
Bakit nga kaya biglang nawala si Cristine sa next soap ni Gerald?
Ito ba ay dahil sa dininig nila ang kahilingan ng fans? Aware rin ba sila na fans pa rin talaga ang dapat masunod at since ayaw nila kay Cristine ay dapat nila itong sundin?
O baka naman na-realize nila na baka nga naman hindi mag-rate ang kanilang soap kapag ipinagpilitan nilang ipareha si Cristine kay Gerald.
Interestingly, may intriguing shoutout si Cristine sa kanyang Facebook account, “People will talk about u when they envy or hate u & the life u lead. Let them.You affected their life.
Don’t let them affect yours. #smile,” say ng sexy star.
Question is, sino kaya ang piantutungkulan ni Cristine sa kanyang litanyang ito?
Could it be the people behind her ouster on the soap with Gerald?
Nakita pala namin sa Facebook account ni Cristine ang sandamakmak na photo na kuha sa recent show nila ni Vice Ganda sa Canada. Si Rayver Cruz ang nagsilbing P.A. (production assistant) ng dalaga dahil may plus one siya sa trip niyang iyon.
Enjoy na enjoy na nagpakuha sina Cristine at Rayver sa isang restaurant, sa mall, sa ilang pasyalan sa Canada at sa limousine.
Halatang in-enjoy ng magdyowa ang company ng isa’t isa dahil minsan nga lang silang magkasama nang medyo matagal.
Naunang umuwi sa bansa si Rayver dahil may ilang commitment siya rito.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.