Yaya Dub, Alden paboritong pulutan ng madlang pipol

Kinakabog nga- yon ni Yaya Dub (Maine Mendoza) ang maraming sikat na artista. Kahit saan ka magpunta ay siya ang pinagpipistahan ng ating mga kababayan, siya ang ginagawang pulutan, aliw na aliw sa kanya ang buong bayan.

Pati mga batang bahagya pa lang na nakakaintindi ay siya ang itinatanong, kailan daw ba nila makikita si Yaya Dub, tanong naman ng mga kababayan nating araw-araw na tumututok sa Eat Bulaga ay kailan daw ba nila maririnig ang totoong boses ng dalaga?

Marami silang pinaki- kilig ni Alden Richards na kinokontra naman ni Lola Nidora (Wally Bayola) dahil ang minamanok nito para kay Yaya Dub ay si Frankie Arenoli (Jose Manalo).

Number one loveteam ngayon ang AlDub! Sabi ng isang nakakuwentuhan namin tungkol sa AlDub, “Tingnan mo ‘yan.

Sino ang magsasabing dahil sa Kalyeseryeng naisip ng Eat Bulaga, e, may sisikat palang tambalan na ganyan sa AlDub! ?“Walang ka-effort-effort, napakanatural, tumatakbo ang kuwento araw-araw na basta paganu’n-ganu’n lang, pero talagang aliw na aliw ang manonood sa kanila!

“Natakpan na ang lahat ng isyu tungkol kay Wally, may kinaaaliwan nang Lola Nidora ang buong bayan, pana-panahon lang talaga ‘yan!” komento ng aming kausap.

Kalyeserye pa more!!!!