Chris Brown lumuhod, nagmakaawang paalisin na sa PH
DALAWANG araw matapos di payagang makalabas ng bansa dahil sa hinaharap na kasong estafa, muling naglabas ng video sa Instagram si Chris Brown at umaapela sa mga otoridad na payagan na siyang makaalis ng Pilipinas.
Makikita sa video si Brown, na nakaluhod at nagmamakaawa. Maririnig ito sa video na “Please, please let us leave, please, please,” bago ito nag-backflip. Gayunman, na-delete na rin ang nasabing post. Hindi pinayagan makaalis si Brown matapos itong sampahan ng $1 milyon estafa complaint ng Maligaya Development Corp, ang overall administration at management ng Ciudad de Victoria kung saan ang Philippine Arena na pag-aari ng Iglesia Ni Cristo ay nakatayo. Nagmula ang kaso matapos hindi siputin ni Brown ang New Year Countdown celebration noong Disyembre 31, 2014, gayong nabayaran na siyra ng buo para sa kanyang pagtatanghal. Nitong Martes, nag-concert si Brown sa Mall of Asia Arena. Ngunit kinabukasan ay hindi na siya pinayagan makaalis ng bansa.Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.
What's trending