P107M jackpot sa Ultra Lotto 6/58
Posibleng umabot sa P107 milyon ang jackpot prize ng Ultra Lotto 6/58 sa bola nito sa Biyernes.
Ayon sa Philippine Charity Sweepstakes Office walang tumaya sa mga lumabas na numerong 43-35-56-03-53-48 sa bola noong Linggo. Tuwing Biyernes at Linggo lamang binobola ang Ultra Lotto.
Umabot sa P101.9 milyon ang jackpot prize sa huling bola ng 6/58 kung saan umabot sa P16.5 milyon ang halaga ng itinaya.
Nanalo naman ng tig-P275,260 ang tatlong mananaya na nakalimang numero. Tig-P3,510 naman ang 188 mananaya na nakakuha ng apat na numero at balik-taya ang 4,813 mananaya na nakatatlong numero.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.