Hindi totoong nagkita at nag-date sila ni Ruffa sa London
NAGBAKASYON muli ang aktor na si Derek Ramsay kasama ang kanyang buong pamilya sa Batangas because of a long-weekeend.
Pero bago siya umalis ay nagkaroon kami ng chance na makausap si Derek. Super nag-enjoy si Derek sa ginawa niyang coverage sa London Olympics.
Again, kasama ni Derek ang parents niya na nagpunta sa London.
Tinanong namin si Derek kung nabisita ba niya ang bahay nila sa London, hindi raw siya nakapunta dahil malayo ang tinirhan niyang hotel sa bahay nila.
Pero ang parents daw niya ang nagpunta sa bahay nila.
Ngaragan daw ang schedule niya sa London kaya natatawa na lang siya sa lumabas na isyu na nag-date sila doon ni Ruffa Gutierrez. “Yes, nagkita kami ni Ruffa doon pero parang ilang minuto lang ‘yun,” lahad ni Derek.
Sumaya naman ang boses ni Derek nu’ng kumustahin namin ang kanyang lovelife. Isang malutong na “secret” ang sinabi niya sa amin.
Obviously, may bagong nagpapasaya sa buhay ngayon ni Derek.
Pero, nagdesisyon si Derek na itago na sa publiko ang anumang meron siya pagdating sa kanyang buhay pag-ibig.
“Naging masyado akong open before nu’ng sa amin ni Angel (Angelica Panganiban), so, I think it’s better na this time, quiet na muna ako pagdating diyan,” diin niya.
This week nakatakdang makipag-usap ulit si Derek at ang kanyang ama sa kalagayan ng career niya sa TV5.
Doon pa lang daw niya malalaman kung anong projects ang susunod na gagawin niya.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.