Matteo: Hindi po si Sarah ang dream girl ko, she’s my one and only girl!
MATTEO GUIDICELLI AT SARAH GERONIMO
TIYAK na ikahahaba na naman ng hair ng Pop Princess na si Sarah Geronimo ang bagong pasabog ng kanyang boyfriend na si Matteo Guidicelli!
Kahapon, sa presscon ng back-to-back-to-back concert ng tatlong pambatong hunk actors ng ABS-CBN na sina Matteo, Daniel Matsunaga at JC de Vera, ang “Dreamboys”, naghiyawan at nagpalakpakan ang entertainment press dahil sa naging sagot ni Matteo sa isang tanong about Sarah.
Ang tanong kasi sa tatlong Kapamilya leading man, dahil nga “Dreamboys” ang titulo ng concert nila, masasabi ba nilang natagpuan na nila ang kanilang dream girl?
Siyempre, walang naisagot si JC dahil kahihiwalay lang nila ng Kapuso actress na si LJ Reyes. Ang sey naman ni Daniel, feeling niya si Erich Gonzales na nga ang kanyang dream girl dahil lahat ng qualities na hinahanap niya sa isang babae ay nakita na niya sa aktres.
Pero kinabog nga si Daniel sa naging sagot ni Matteo, anang binata, “You know, Sarah is not my dream girl. She is my one and only girl!” Ay, talagang nagtilian ang mga reporter at ang iba pang guests sa presscon! Palung-palo ang statement ni Matteo.
Kaya siguradong singhaba na naman ng EDSA ang hair ni Sarah matapos ibandera ni Matteo ang kanyang pagmamahal sa kanyang girlfriend.
Samantala, hindi raw puwedeng mag-guest sa “Dreamboys” concert si Sarah dahil bukod sa super busy ito sa shooting ng pelikula nila ni Piolo Pascual ay nagsimula na rin ang The Voice Kids season 2 kung saan coach si Sarah.
Sey pa ni Matteo, mas gusto rin daw niya na ibang artist ang makasama niya sa kanyang first major concert sa Music Musem, “Kasi, I also want to do my own thing. Hangga’t maaari, hiwalay ang mga ginagawa namin. And I want to be different.”
Dagdag pa ng binata, ayaw rin daw niyang maakusahan na ginagamit lang niya si Sarah sa mga proyektong ginagawa niya o nakikisakay sa kasikatan ng Pop Princess. Kaya as much as possible, huwag muna silang magsama ng kanyang dyowa sa kahit anong project.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.