Arjo Atayde naka-jackpot uli, napiling best friend ni Coco Martin sa ‘Ang Probinsiyano’

NOW it can be told na ang seryeng Ang Probinsiyano na nga ang bagong proyekto ng baby nating si Arjo Atayde that would have the Teleserye King Coco Martin in the lead.

Ito yung dating pelikula ni Da King Fernando Poe, Jr. na naging blockbuster talaga before, at kung tama ang pagkakatanda ko, ang dating beauty queen na si Dindi Gallardo ang leading lady ni FPJ dito.

Hindi lang basta remake ang gagawin ng ABS-CBN sa Ang Probinsiyano – talagang ginawang TV series at kasama sa cast ang baby naming si Arjo with Ms. Susan Roces, Albert Martinez, at ang nagbabalik-Kapamilya na si Bela Padilla. Arjo plays the best friend of Coco in this series na magsisimula na very soon.

“Dapat ay sa JaDine (James Reid at Nadine Lustre) series kasama si Arjo kaya lang, mas naisip ng production na mas bagay sa kaniya ang role rito.

“Hindi naman niya puwedeng sabay na gawin iyon dahil tiyak na magku-conflict sa sked niya. Maganda ang role niya rito. Tsaka hindi ito yung conventional serye na kailangang kamukha ng bidang si Coco si FPJ.

“Acting ang pag-uusapan dito, yung character ng Probinsiyano na isang matinong pulis. Nakakatuwa nga dahil si Coco ang personal choice ni Ms. Susan Roces sa role ni Da King,” anang isang taga-production na nakausap namin.

“Excited ako sa role ko rito. Ang daming twist kaya kaabang-abang talaga. Plus the fact na isang FPJ project ito – given na ang market niyan. Kaya talagang excited na ako dahil napakaganda ng role ko sa serye.

“Kaya kailangang galingan natin dahil the whole world will watch us,” humbly says this award-winning young actor Arjo Atayde. Naku, sigurado kaming mamaniin lang ni Arjo ang mga eksena niya rito.

Mahusay kasi ang batang ito – may sarili siyang atake sa mga eksena niya.He has proven that a couple of times sa mga naging past projects niya. Mahusay na actor talaga itong si Arjo, if I may proudly say.

Kasi naman, ang nanay niyang si Ibyang (Sylvia Sanchez) ay hanep sa husay. “Hindi ko naman siya tinuturuan umarte actually. Pinagmamasdan ko lang ang mga nagawa niyang projects at nakaka-proud lang kasi nga, iba ang atake niya kaysa sa acting style ko.

“Kaya hindi ko masabing nagmana sa akin ang batang iyan sa pag-arte, parang innate na sa kaniya ang pagiging aktor. Baka na-inspire ko lang siya pero hindi ako ang nagturo riyan.

“Gusto niya kasi talaga ang trabaho niya bilang artista kaya pinagbubutihan niya. Mas natutuwa pa nga ako pag sinasabihan ako ng friends ko na magaling umarte si Arjo kaysa sa purihin nila ako.

Siyempre nanay ako, gusto mo palaging naririnig na ayos ang mga anak mo. Secondary na lang ako, tayong mga nanay, di ba?” ani Sylvia. Hay naku, can’t wait to watch Ang Probinsiyano.

And for sure, Coco Martin will make history here. Sobrang galing ng batang iyan. Congrats Coco and your magiging best friend sa seryeng si Arjo Atayde. Mwah!