Sikat na kapamilya, Boy may bagong show sa Dos

DINALAW namin ang King of Talk na si Boy Abunda during the live episode ng Aquino & Abunda Tonight last Monday. As usual, bising-busy si Kuya Boy sa kanyang paper works including some contracts for his product endorsements at the same time, may mga bisita rin siya outside showbiz.

Thankful si Kuya Boy dahil sa mga dumarating na mga endorsements niya. Two weeks ago ay nag-shoot siya for a TV commercial. Then, this week may mga gagawin pa siyang shoot for his endorsements.

Kapag weekend naman ay may time na siya to go out of town or out of the country. Gaya last week, nasa Hongkong pala siya when we texted him.

Napapasyalan na rin niya ang kanyang bahay sa Tagaytay kasama ang kanyang ever dearest Nanay Lesing. And now we discovered na may bago palang pinagkakabisihan ng kanyang oras si Kuya Boy. At eto ‘yung pagpapaganda niya sa kanyang bagong condo unit sa Baguio City.

Ipinakita sa akin ni Kuya Boy ang mga kwarto sa bagong condo niya na napakasosyal ng ginawang interior design and of course, ang mga furnitures, branded lahat.

Bawat floor sa naturang condo ay may apat na kwarto. Sa floor ni Kuya Boy, may isang unit ang anak from the the very famous Ortigas family. Habang tatlong units sa floor na ‘yun ang pag-aari ni Kuya Boy.

O, taray ni Kuya Boy ‘di ba? Kaya kesa magmukmok siya sa pagkawala ng The Buzz, mas maganda na mag-focus siya sa positive side. Masakit sa umpisa pero gaya ng kasabihan, we all have to move on.

Life goes on and life is short so better make the best of it. Isa ‘yan sa mga madalas sabihin sa amin ni Kuya Boy pag nagkakachikahan kami tungkol sa buhay-buhay.

At maigi na samantalahin niya na wala siyang show kapag Sunday kasi hindi hahayaan ng ABS-CBN na walang show sa kanila si Kuya Boy except for A&A Tonight.

After all, binabayaran nila ang King of Talk kahit wala na ang The Buzz. Tingin naman namin hindi hahayaan ng Kapamilya network na walang ginagawang show si Kuya Boy.

For sure, ngayon pa lang ay bising-busy ang mga think tanks ng Dos para sa show na ibibigay nila kay Kuya Boy. May mga knows na kami na concept na binubuo for Kuya Boy together with a famous Kapamilya star at meron pang isa na baka ilagay siya sa existing show ngayon ng Dos.

Pero mas maigi na hintayin na lang natin na manggaling na sa management ang announcement. Anyway, napakataas ng rating na nakuha ng Your Face Sounds Familiar noong mag-special guest judge ang King of Talk.

Kaya naman masaya si Kuya Boy para rito at sunud-sunod din ang pagbibigay sa kanya ng trophy as best talk show host, mapa-celebrity talk or sa showbiz-oriented programs.

Siyanga pala, kinumpirma sa amin ni Kuya Boy na buntis nga ang Backroom talent at host na si Bianca Gonzales. Mismong si Bianca raw ang nagbalita nito sa kanya.