Nanalo ng P17M jackpot sa Super Lotto 6/49 tumaya sa Cavite
Leifbilly Begas - Bandera May 01, 2015 - 03:01 PM
Super Lotto 6/49
Sa Cavite tumaya ang nanalo ng P17.5 milyong jackpot prize ng Super Lotto 6/49 sa bola noong Huwebes ng gabi.
Iisa lamang ang nakakuha ng mga numerong 13-16-01-22-34-26, ayon sa Philippine Charity Sweepstakes Office.
Umabot sa P13.2 milyon ang halaga ng itinaya sa naturang bola.
Nanalo naman ng tig-P39,060 ang 17 mananaya na nakakuha ng lima sa anim na numerong lumabas.
Tig-P720 naman ang 730 mananaya na nakakuha ng apat na numero at balik-taya (P20) na 12,990 mananaya na nakatatlong numero.
Ang mga nanalo ay may isang taon para kunin ang kanilang premyo. Kailangan naman nilang ingatan ang tiket.
Samantala, inaasahang aabot sa P90 milyon ang jackpot prize ng Grand Lotto 6/55 sa bola mamayang gabi.
Ayon sa PCSO walang nanalo sa mga lumabas na numerong 33-23-02-41-10-24 sa bola noong Miyerkules ng gabi kung saan umabot sa P84.2 milyon ang jackpot prize.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.
What's trending