Janice nagsalita na tungkol kay Gerald

Nag-birthday pala si Kim Chiu last weekend.

Maraming fans niya ang nakatutok sa amin noong Sunday sa DZMM show naming “Chismax” with friend Gretchen Fullido. My partner greeted her on air at kinantiyawan pa itong mag-blow out naman.

Nagkataon namang panay ang banggit ko kay Maja Salvador at sa second album niya under Ivory Music lalo na nga yung carrier single nitong “Bakit Ganito ang Pag-ibig” na siyempre pa ay kinunek namin sa break-up nila ni Gerald Anderson.

Aba’y kuyugin ba naman ako ng fans ni Kim via text messages at sabay-sabay nilang itinanong kung galit daw ba ako sa idol nila? Nakakaloka! Dahil lang sa hindi ko nasegundahan agad ang birthday greetings ni partner Greta, at agad kong naitsika yung tungkol kay Maja, violent agad ang reaksyon? Ha-hahahaha!

Anyway, matapos kong maipaliwanag sa ere ang mga pangyayari at klaruhing labs naman namin si Kim, nanahimik na ang mga supporters ng aktres habang nagpasalamat naman ang fans ni Maja sa pag-promote namin ng Bridges of Love, pati na ng Nathaniel ni Gerald.

Kayo na po ang bahalang mag-judge kung kaninong fans ako dapat magpasalamat ng bonggang-bongga! Samantala, nabasa namin ang tila naging sagot ni Janice de Belen sa pagli-link sa kanya kay Gerald Anderson.

Siya kasi ang itinuturong third party kung bakit nagkahiwalay ang aktot at si Maja Salvador.Sa kanyang Instagram account, nag-post si Janice na isang quote na ipinalalagay ng netizens na siyang tugon nito sa isyu sa kanila ni Gerald.

Sey ng aktres, “Rumors are carried by haters, spread by fools, and accepted by idiots.” Nauna rito, isang makahulugang mensahe rin ang ipinost ni Janice sa IG saying, “Never judge someone by the opinion of another.”