BALAK mo bang manood ng Manny Pacquiao- Floyd Mayweather Jr. fight sa pamamagitan ng Pay-per-view? Kung talagang atat kang mapanood ng “live” ang laban ng dalawa sa Mayo 2 (Mayo 3 sa Pilipinas), maghanda-handa ka nang mas malaking pera.
Ayonsa ulat ng Wall Street Journal, ang pay-per-view television cost ng welterweight unification bout ay papalo sa record-breaking $99 para sa high-definition habang $89 para sa standard.
Ang huling bayaran sa pay-per-view ay nasa $74.95 para sa HD at $64.95 para sa standard.
Nakatakdang tapusin ng HBO at Showtime ang “deal” nila para rito sa susunod na linggo, ayon sa WSJ.
Ayon pa sa WSJ, inaasahan na posibleng umabot sa $300 milyon ang kikitain ng Pacquiao-Mayweather fight sa PPV, at tatalunin ang rekord nitong $152 milyon na kinita noon sa laban ni Mayweather kay Saul “Canelo” Alvarez.
Sa nasabing kita sa PPV, $120 milyon ang siguradong mapupunta kay Mayweather jabang $80 milyon naman ang kay Pacquiao.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.