Willie magbabayad ng P2M kada linggo sa GMA para sa pag-ere ng WOWOWIN | Bandera

Willie magbabayad ng P2M kada linggo sa GMA para sa pag-ere ng WOWOWIN

Cristy Fermin - March 22, 2015 - 02:00 AM

willie revillame
Nag-trending sa social media ang pagpirma ng kontrata sa GMA 7 ni Willie Revillame nu’ng nakaraang Biyernes nang umaga. Naispatan siya ng isang production staff, ipinost nito ang retrato ni Willie habang nag-aabang siya ng elevator, pormang-porma ang gayak kasama ang kanyang abogado.

‘Yun na! Kumalat na nang kumalat ang balita, nagkani-kanyang konklusyon na ang lahat, Kapuso na nga si Willie Revillame!
Isang taong kontrata ang pinirmahan niya sa GMA 7 para sa kanyang programang Wowowin, sa Mayo na siya magsisimula, siya rin ang magpoprodyus ng kanyang show.

Mainit na tinanggap si Willie ng mga ehekutibo ng network na sina Mr. Felipe Gozon, Mr. Gilberto Duavit, Jr. at Mr. Felipe Yalong.

Ngayon ay siguradong maligaya na ang mga tagahanga ng aktor-TV host na matagal-tagal na panahon ding naghintay sa kanyang pagbabalik, eksaktong isang taon at kalahati siyang nawala sa himpapawid, pero ang mahalaga ay selyado na ang kanyang kontrata sa GMA 7.

Sa nakaraang siyam na taong pagho-host ni Willie ay maraming buhay ang kanyang binago, milyun-milyong piso at kabuhayan showcase ang kanyang ipinamamahagi, kaya napakalaking tulong niya sa mga kababayan nating kapuspalad.

Dalawang milyong piso kada linggo ang babayaran niya sa istasyon bilang blocktimer, lahat ng mga dati niyang staff ang muli niyang makakasama sa Wowowin, kaya tayo naman ngayon ang sumigaw ng “Bigyan ng jacket si Kuya Wil!”

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

No tags found for this post.
Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.

What's trending