Denise Julia ‘di papatalo kay BJ Pascual, naglabas ng screen recording
TILA mauuwi pa nga sa demandahan at usapang legal ang bangayan sa pagitan ng R&B singer na si Denise Julia at ng kilalang celebrity photographer na si BJ Pascual.
Matatandaang nagsimula ang lahat sa naging pidcast episode ng influencer na si Killa Kush kung saan nausisa nito ang kanyang guest na si BJ Pascual hinggil sa naging “worst celebrity experience” nito.
Dito ay ibinahagi ng photographer ang hindi pagkakasundo sa pagitan nila ni Denise Julia at ang pagiging unprofessional raw na talagang nakaapekto sa kanya financially at ang pagkasayang umano ng oras at effort ng kanilang team para sa shoot.
Sinagot naman ito ng dalaga noong araw ng Kapaskuhan at sinabing ang kampo raw ni BJ ang nag-cancel sa kanila at nilinaw rin nito na initially ay nagsabi sila ng P650k lang ang kanilang budget na ini-stretch nila hanggang P800k at tinanong kung feasible ba ito sa kampo ng photographer.
Baka Bet Mo: Denise Julia kakasuhan si Killa Kush: See you in court
View this post on Instagram
Ngunit ilang oras ang nakalipas ay agad rin itong sinagot ni BJ ng screenshots at ang “full context” ng mga binahagi ni Denise.
Inihayag nito na aware ang dalaga sa date ng shoot at kahit sila ay nag-adjust sa budget para matuloy ang project.
Pero hindi rin papatalo si Denise at inilabas rin ang isang screen recording ng usapan ng kampo niya at kampo ni BJ.
Ang naturang screen recording ay ibinahagi niya sa kanyang X (dating Twitter).
“We went into this wanting to work with you—we’re genuine fans and were so excited about the collaboration. From the very beginning, we were upfront about our budget and what we can afford to execute the music video, the Photoshoot, the album art, the trailer and press photos,” panimula ni Denise.
Aniya, nagdesisyon pa silang i-move ang release date ng kanyang kanta para lang makapag-collab sila ni BJ.
“I had moved my entire release date just to be able to work with you, out of respect for your time. I’ve stayed quiet for as long as I could, but I needed to say my piece. Even until the end my manager was still trying to make this work, suggesting solutions and new dates so we can re-align and no one’s effort goes to waste,” pagpapatuloy ni Denise.
Ngunit ang talagang pinagmulan ng sama ng loob ng dalaga ay ang personal na atake sa kanya ng mga tao dahil sa naturang podcast.
Lahad ni Denise, “What hurts the most is seeing my character publicly attacked over something that’s not just out of my control but is a business negotiation between our managers and conversation that should’ve stayed private.
“You targeted me to bring me down. I’ve decided to leave the whole screen recording here for full transparency as we have nothing to hide.”
Ani Denise, akala niya ay nagkasundo na sila ni BJ na pag-uusapan na nila ito nang personal ngunit muling sumagot si BJ online.
Tila ito ang last straw ng singer bago ito nagdesisyon na mauwi ito sa usapang legal.
“I thought this was something we had agreed on to talk about in person. We are now in contact with our legal team about a defamation suit. I hate that this had to go this way when it didn’t have to,” sey pa ni Denise.
Sa ngayon ay wala pang pahayag si BJ sa post ng singer.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.