Makita lang si Pope, lalaki naglakad ng 36 araw mula Bukidnon hanggang Tacloban
TATLUMPU’T anim na araw na naglakad si Antolin Adlawan, 66, mula sa Kitaotao, Bukidnon patungong Tacloban para lang makita, makapakinig ng misa at mabasabasan ni Pope Francis sa Sabado.
Kwento ni Adlawan sa daan na siya nag-Pasko at Bagong Taon, at nadaanan din siya ng bagyong Seniang pero wala raw ito sa kanya. Ang nais lang niya ay makita ang Santo Papa at makuha ang kanyang basbas para sa anak na may sakit na Leukemia.
Marami anya ang nag-alok sa kanya ng pamasahe pero kanya itong tinanggihan. Habang naglalakad may mga nambabato pa raw sa kanya ng balat ng saging, pero hindi rin niya ito pinansin.
Sa mga simbahan o kaya sa silong ng tulay siya nagpapahinga sa sandaling abutan na ng takip-silim. Habang nagpapahinga nagbabasa raw siya ng Bibliya.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.