Miguel, Bianca dedma lang sa pang-ookray ng KathNiel fans
IN fairness, sa unang hirit pa lang ng GMA Telebabad series na Once Upon A Kiss ay humataw na agad ito sa rating kaya naman tuwang-tuwa ang buong production, lalo na siyempre ang pambatong loveteam ngayon ng Kapuso na sina Miguel Tanfelix at Bianca Umali.
Kaya naman dedma na lang ang dalawang bagets sa mga namba-bash sa kanila, kabilang na ang ilang fans nina Daniel Padilla at Kathryn Bernardo na nabubwisit daw sa ginagawang pagkukumpara sa KathNiel at sa tandem nina Miguel at Bianca.
Good vibes na lang daw at goodbye kanegahan ang drama nila ngayong 2015. Samantala, sa pagpapatuloy ng kuwento ng Once Upon A Kiss ngayong gabi, makaka-recover agad si Ella sa pagka-shock matapos siyang halikan ni Prince.
Sasampalin niya ang binata. Kukuha ng palaka at ihahagis kay Prince kaya nagulat din ito at nagsisisigaw. Pagtatawanan ng mga tao si Prince.
Tinatanong ni Aurora si Kapitan Vic kung bakit basta siya pinaalis sa puwesto niya, at kung sino ang nagpaalis. Pero ayaw namang sabihin ni Vic. Magagalit sina Aurora at Adela dahil alam niyang nabayaran si Vic para gawin iyon sa kanila.
Galit pa rin si Ella at tinutukso siya ni Melody. Makikita niyang nagpupukpok at gumagawa ng kariton si Aurora. Papayuhan ang anak na kailangang dumiskarte kasi maraming hadlang ‘pag may ginusto kang gawin.
Tutulungan ni Ella ang ina. Malalaman ni Eric ang pagpapalayas kay Aurora sa puwesto nito. Tatanungin niya si Vic pero mamaliitin lang siya nito. Eric offers help to Aurora pero tatanggihan siya nito.
Dinalhan ni Mickey si Prince ng halloween costume na troll head. May paplanuhing paghihiganti si Prince laban kay Ella, or more like gusto niyang turuan ito ng leksiyon.
Pupunta sa tulay si Ella kasama si Melody, pero wala si Prince. Hanggang sa may manggugulat sa kanilang naka-troll costume! At sa gulat ni Ella, mahuhulog siya sa tulay at tatapon ang lahat ng paninda niyang turon! Magi-guilty si Prince sa nangyari sa dalaga.
Nang gumabi, habang pauwi na si Ella at matitiyempuhan ng mga lasing. Hahabulin. Darating si Prince at pagbabantaan ang mga lasing. Nangangamoy-away.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.