Nora mayaman pa rin, maraming lupain sa Bicol

Kung may kuwentong Velma Santus, meron naman tayong kuwentong Nora Aunor. Marami ang nalungkot na fans ni Mama Guy dahil hindi ito nakarating sa Christmas party ng Noranians na ginanap sa Jade Valley Restaurant the last Friday evening.

Na-stranded kasi si Mama Guy sa Bicol dahil she had to fix her lupain doon.  Grabe pala ang ekta-ektaryang mga lupain ni Mama Guy doon. Sobrang lawak. Iyon ay na-acquire niya when she was at her peak.

Marami siyang naipundar na lupain sa Iriga. “Hindi man liquid si Nora sa pera pero napakalawak ng lupain niya roon. Yung iba yata ay ipinamigay na niya sa ibang kamag-anak niya pero napakalawak pa rin ng natira.

Kung ako kay Nora, ibebenta ko ang ilang bahagi ng lupa at magtira lang siya ng enough para mapagkakitaan. Enough para may balik-balikan siya sa kaniyang hometown.

“Dinig ko ay inaayos na niya with her lawyers iyon, pinaaayos niya ang mga papeles ng lupa niya roon and she plans yata na ma-venture into some businesses.

Kasi nga, tapos na yata ang kontrata niya with TV5 kaya kailangan na niyang magplano para sa buhay niya. “Hindi naman mawawala iyang si Guy sa showbiz – dami ngang gusto siyang kunin sa mga indie films.

This year ay nakalimang indie films yata si Nora kaya doon pa lang ay makikita mo nang in demand siya talaga sa pelikula,” anang isang close confidante niya.

Na-miss rin namin si Mama Guy sa party na iyon. Kumanta ang alaga nating si Michael Pangilinan that night, his gift para sa Noranians.

Ang nandu’n lang sa party that night ay sina Matet de Leon, direk Perci Intalan, tito Ricky Lee, Ms. Fides Cuyugan-Ascencio, among others.