Matteo ayaw makasama si Sarah sa serye at pelikula: Para iwas intriga!

Kung si Matteo Guidicelli ang masusunod, ayaw niyang magsama sila sa kahit anong proyekto ng kanyang girlfriend na si Sarah Geronimo.

Though nagkasama na sila noon sa isang pelikula ng Viva Films at Star Cinema, ang “Catch Me I’m In Love” with Gerald Anderson, pati na rin sa ilang shows abroad, iba na raw kasi ang estado nila ngayon.

Okay lang daw noon dahil wala pa nga silang relasyon noong mga panahong ‘yun. “Not now, not in the near future. I don’t know, we didn’t talk about it,” paliwanag ng binata.

Gusto raw kasing panatilihin ni Matteo ang pagkapribado ng relasyon nila ng Pop Princess, naniniwala kasi siya na kapag nagsama sila sa isang proyekto ni Sarah, hindi sila makakaiwas sa tsismis at intriga.

“Ayaw kong madala ‘yung trabaho namin sa personal life namin, hindi ba? We will see in the future,” ani Matteo. Tama lang din naman ang desisyon ni Matteo, di ba? Para iwas intriga at tsismis na maaaring makasira sa relasyon nila.

In fairness, nakakabilib din ang magdyowang ito, talagang napapanatili nilang private ang kanilang relationship, kahit na nga palagi na lang silang nakokorner ng entertainment press.

E, kasi nga, pareho namang mabait at marespeto sina Matteo at Sarah sa media kaya naman kahit na lagi silang umiiwas, e, naiintindihan pa rin sila ng mga reporters.

At sana mapanindigan ni Matteo si Sarah at huwag na huwag magpapatalo sa mga challenges na pagdadaanan niya courtesy of Sarah’s super strict mom na si Divine. Ha-hahaha!