Hapee asinta ang solo lead vs MJM M-Builders
Mga Laro Ngayon
(Ynares Sports Arena)
12 n.n. Wangs vs Racal Motors
2 p.m. Hapee vs MJM M-Builders
4 p.m. AMA vs MP Hotel
Team standings: Hapee (2-0); Jumbo Plastic (2-0); Café France (1-0); Cagayan Valley (2-0); Tanduay Light (1-1); Cebuana Lhuillier (1-1); Wangs Basketball (1-1); MP Hotel (1-1); MJM M-Builders (0-2); Bread Story (0-2); Racal Motors (0-2); AMA (0-2)
ASINTA ngayon ng Hapee ang solo lead sa 2014-15 PBA D-League Aspirants Cup subalit batid ni Fresh Fighters coach Ronnie Magsanoc na hindi sila puwedeng magkumpiyansa laban sa mga koponang galing sa kabiguan tulad ng MJM M-Builders.
“They could have won their first two games,” sabi ni Magsanoc patungkol sa Builders. “I have the highest respect for them.”
Pipilitin ng Fresh Fighters na manatiling walang talo sa tatlong laro laban sa Builders, na mayroon ding matinding lineup, sa alas-2 ng hapon na larong gaganapin sa Ynares Sports Arena sa Pasig City.
Hangad naman ng MP Hotel ang ikalawang sunod na panalo sa tatlong laro sa pagharap sa walang panalo na AMA University sa ganap na alas-4 ng hapon habang ang Wangs Basketball ay makakatapat ang Racal Motors dakong alas-12 ng tanghali.
Ang Fresh Fighters ay pinamumunuan ng mga amateur standouts na sina Ray Parks, Chris Newsome, Arnold Van Opstal, Baser Amer at Garvo Lanete.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.