‘Disney On Ice: Find Your Hero’ bongga ang pasabog, napa-wow ang audience
PHOTO: Courtesy of SM Mall of Asia Arena
MULING pinatunayan ng “Disney On Ice” ang kanilang natatanging galing sa paghatid ng kahanga-hangang karanasan sa kanilang pinakabagong palabas –ang “Find Your Hero.”
Isa ang BANDERA sa mga nakanood sa first show nito at tinitiyak namin na nakakabilib ang inihandog nilang storytelling, world-class skating choreography, at nakamamanghang produksyon!
Mula sa makukulay na costume at props hanggang sa makapigil-hiningang special effects at acrobatics, tunay na isa itong karanasang hindi dapat palampasin.
Ngayong Pasko at Bagong Taon, magdiwang kasama ang buong pamilya sa “Disney On Ice: Find Your Hero” na ginaganap sa SM Mall of Asia Arena sa Pasay City.
Baka Bet Mo: ‘Disney On Ice’ mas pinabongga, mas pinalawak ang schedule
Tampok ngayong taon ang anim na Disney heroines na nagbibigay inspirasyon upang yakapin ang ating inner hero.
Ang act one ay pinangungunahan nina Mickey, Minnie, Donald, at Goofy.
Kasama rin nila riyan si Ariel na maglalakbay upang matagpuan ang kanyang boses, si Maui na matututunan ang pagiging isang tunay na bayani, si Moana na makikipagsapalaran sa malalawak na karagatan, at si Rapunzel na magpupursige upang maabot ang kanyang mga pangarap.
PHOTO: Courtesy of SM Mall of Asia Arena
Pagpasok ng act two, masisilayan si Belle na tutuklasin ang kabutihan sa puso ni Beast.
At bilang espesyal na bahagi ng palabas, ang “Encanto” ay magde-debut this year sa Pilipinas!
Samahan si Mirabel sa kanyang paglalakbay upang iligtas ang mahiwagang casita at ipagdiwang ang kahanga-hangang pamilya Madrigal kasama ang kanyang mga kapatid na sina Isabela at Luisa.
PHOTO: Courtesy of SM Mall of Asia Arena
Ang pagbabalik ng “Disney On Ice” ay nagdala ng isang pambihirang palabas na puno ng kasiyahan at saya para sa buong pamilya.
Siguradong mae-enjoy ang cutting-edge ice skating performances, bonggang kasuotan, at mga nakakaindak na stunts.
Ang show ay nagsimula na noong December 21 at tatakbo hanggang January 5, 2024.
Ang presyo ng tickets ay mula P300 para sa general admission hanggang P5,400 para sa front-row seating.
Mabibili ang tickets sa lahat ng authorized SM Tickets outlets nationwide o online sa www.smtickets.com.
Para sa karagdagang impormasyon tungkol sa “Disney On Ice,” bisitahin ang kanilang website o sundan sa social media.
Huwag palampasin ang pagkakataong ito para sa isang napaka-espesyal na selebrasyon ngayong Kapaskuhan!
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.