Mga Laro Ngayon
(Cuneta Astrodome)
4 p.m. Generika vs
Mane ‘N Tail (women)
6 p.m. Foton vs Petron (women)
8 p.m. Cignal vs Cavite (men)
PANGUNAHAN ang first round ang balak gawin ng Petron sa pagharap sa Foton sa 2014 Philippine Superliga Grand Prix na handog ng Asics ngayon sa Cuneta Astrodome, Pasay City.
May apat na sunod na panalo ang Lady Blaze Spikers kumpara sa apat na sunod na kabiguan ng Tornadoes para mapaboran sa larong mapapanood dakong alas-6 ng gabi.
Mag-uunahan muna ang Generika at Mane ‘N Tail sa paglista ng ikalawang panalo sa tagisang magsisimula sa ganap na alas-4 ng hapon habang ang Cignal at Cavite ang magpapang-abot sa kalalakihan na mapapanood dakong alas-8 ng gabi.
May 1-2 baraha ang Life Savers habang 1-3 ang karta ng Lady Stallions kaya’t inaasahang magiging mainitan ang bakbakan dahil sa kahalagahan ng makukuhang panalo sa ligang inorganisa ng Sports Core katuwang ang Air21, My Phone, Via Mare, Mikasa, Mueller Sports Medicine, Healthway Medical, Gnerika Drugstore, LGR at Jinling Sports bilang technical partners.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.