Horoscope, October 17, 2014

Para sa may kaarawan ngayon: Tama lang ang iyong ginagawa, ipaglaban mo ang lahat ng bagay na inaakala mong tama. Sa pag-ibig at pinansyal, basta’t magpakabait ka lang ay tuloy ang agos ng suwerte at magandang kapalaran. Mapalad ang 7, 11, 19, 23, 26, at 45. Mahiwaga mong mantra:  “Aum-Avayara-Om-Beeja.” Gold at green ang buenas

Aries – (Marso 21-April 19)—Minsan ay kailangan mang-uto upang makuha ang iyong gusto.  Sa pag-ibig, hayaan ang kasuyo na siyang magpasaya sa mga bagay na may kaugnayan sa romansa. Sa pinansyal, utuin ang kliyemte upang kumita ka ng malaking halaga. Mapalad ang 3, 15, 27, 35, 41 at 44. Mahiwaga mong mantra: “Gayatri-Beesa-Beeajaa-Om.” Blue at pink ang buenas.
Taurus – (April 20-May 20)—Mas masarap ang feeling kung lagi kang nakangiti. Haluan ng saya ang pakikipagtransaksyon upang kumita ng mas maraming pera. Sa pag-ibig, imbes na ang kasuyo ang laging nagpapatawa, ikaw naman ang kumiliti sa kanya. Mapalad ang 6, 15, 21, 35, 41 at 49. Mahiwaga mong mantra: “Yama-Soda-Vinda-Rama.” Red at orange ang buenas.

Gemini – (May 21-June 21)—Hindi ka mauubusan ng pera, pero hindi mo naman dapat itong lustayin na lahat sa kaibigan. Sa pag-ibig, “stick to one” ang dapat upang habambuhay kang lumigaya. Mapalad ang 1, 8, 19, 26, 35, at 44. Mahiwaga mong mantra:  “Om-Gayatri-Om-Savitra.” Silver at white ang buenas.

Cancer – (June 22- July 22)—Wag kainggitan ang mga kaibigang umuunlad. Kung aalisin lang ang yabang sa katawan ay mas madali kang yayaman. Sa pag-ibig, minsan ay hindi masamang sundin ang suhestiyon ng kasuyong kuripot. Panahon na upang magtipid at paghandaan ang Paskong darating. Mapalad ang 2, 16, 37, 44, 47 at 49. Mahiwaga mong mantra: “Bhavantu-Madhu-Om.” Beige at maroon ang buenas.

Leo – (July 23 – August 22)—Iwasang makipagtransaksyon sa mga taong mahina ang utak. Sa  pag-ibig, kalimutan na ang kasuyong mapagtanim ng sama ng loob. Magahanap ng bagong mamahalin sa katauhan ng isang Aries. Mapalad ang 5, 19, 28, 32, 39 at 41. Mahiwaga mong mantra: “Aum-Shava-Bhuva-Om.” Purple at yellow ang buenas.

Virgo – (August 23 – September 22)—Kapag ituring mong ito na ang huling araw, mas madali kang uunlad at yayaman. Sa pag-ibig, dahil ito na ang huling araw, ipadama sa kasuyo ang pinaka-masarap na romansa. Mapalad ang 5, 14, 23, 34, 39 at 47. Mahiwaga mong mantra: “Jiva-Om-Gosvami.” Blue at silver ang buenas.

 Libra – (September 23-October 23)—Sa negosyo, haluan ng pagmamahal ang iyong produkto at serbisyo. Mamayang gabi, palasapin ang kasuyo ng pinakamatamis na halik, sabay sabing “I Love you Mahal!” Mapalad ang 6, 18, 27, 33, 36 at 45. Mahiwaga mong mantra: “Babatiin ko ang araw na itong puno ng pag-ibig ang aking puso!” Red at pink ang buenas.

Scorpio – (October 24 – November 21)—Panahon na upang mamulitika. Sa pinansiyal, sa labas ng bahay ay mas marami pagkakataon upang kumita ng dagdag na salapi. Sa pag-ibig, pagdating ng gabi ay yayain ang kasuyo na matulog kayo ng maaga. Mapalad ang 2, 16, 25, 33, 40 at 49. Mahiwaga mong mantra: “Shiri-Mantra-Yantra-Om.” Green at purple ang buenas.

Sagittarius – (November 22 – December 21)—Sa pinansyal, parang kamoteng baging ang mangyayari sa aspetong pananalapi—habang tinatalbusan ay lalo pang lalago ang kabuhayan.  Sa pag-ibig, mamayang gabi ay bigyan ng big surprise ang kasuyo—bulagain siya ng isang matamis na halik sa labi! Mapalad ang 4, 9, 18, 34, 39 at 42. Mahiwaga mong mantra: “Krisna-Nada-Vagisa-Om.” Pink at red at buenas.

Capricorn – (December 22 – January 19)—Sa pag-iwas sa lipunan ay mas  malaking halaga ng salapi ang iyong kikitain. Imbes na makisawsaw sa mga isyu na may kaugnayan sa magulong lipunan, mag-concentrate sa pamilya. Sa piling nila ay mas makadadama ng kumpletong ligaya. Mapalad ang 1, 10, 19, 28, 37, at 48. Mahiwaga mong mantra: “Yod-Heh-Vau-Weh.” Yellow at orange ang buenas.
Aquarius – (January 20 – February 18)—Sa pag-ibig, mas magiging maligaya kung hahaluan ng isip ang iyong pakikipag-relasyon. Sa pinansiyal, huwag ubusing lahat ang ibinibigay ng kasuyo, magtabi ka para sa nalalapit na kapaskuhan. Mapalad ang 4, 16, 23, 25, 34 at 49. Mahiwaga mong mantra: “Kali-Homa-Kali-Japa-Om.” Green at white  ang buenas.

Pisces – (February 19 – March 20)—Hindi dapat panghinaan ng loob. Pagkakataon mo na upang magwagi. Tapang at lakas ng loob ang susi upang yumamaman.  Sa pag-ibig, hindi masamang pumayag sa hinihingi ng kasuyo as long na doon kayo kapwa magiging maligaya. Mapalad ang 7, 8, 11, 37,  41 at 48. Mahiwaga mong mantra: “Aum-Raya-Om.” Red at lilac ang buenas.