Matapos niyang talunin sa pagka-Best Actress
HINDI nasungkit ni Anne Curtis ang Best Actress award sa nakaraang 28th Star Awards for Movies dahil tinalo siya ni Angel Locsin na bida naman sa pelikulang “In The Name of Love”.
Bagama’t box-office hit ang “No Other Woman” ni Anne kasama sina Derek Ramsay at Cristine Reyes ay hindi ito nakatulong ito para mapunta sa aktres ang nasabing tropeo.
Okay lang kay Anne kung hindi man siya ang nanalo dahil deserving naman daw si Angel sa Best Actress award, “I watched the film, superb ang film kaya deserving talaga all the actors that won from best supporting actor to the best actress, it was well-deserved.
Kaya walang hard feelings at kaibigan ko si Angel that’s why I’m so happy for her.”
Kuwento pa nga ni Anne noong nagkita raw sila ni Angel sa backstage ay humingi pa ito ng sorry dahil nga natalo siya sa pinaglabanan nilang award, “Oo, nagso-sorry siya, sabi ko nga, para kang…bakit ka nagso-sorry sa akin? Sabi ko nga, congratulations, Angel and you know, it was a well-deserved work kaya walang hard-feelings.”
At dahil in-demand si Anne ngayon dahil araw-araw siyang napapanood sa Showtime at may mahigit sa dalawang milyong followers na rin siya sa Twitter ay kinuha na siyang dagdag endorser ng Cherry Mobile phone kasama sina Robin Padilla, Kim Chiu, Willie Revillame at John Lloyd Cruz.
Nagamit ni Anne ang maganda niyang labi kaya tinawag na Kiss Phones ang mga teleponong ineendorso niya. “Anne was the top-of-mind brand ambassador for Cherry because she’s the ‘masa’ favorite.
We are very glad to have her as part of our family. We admire her passion for her craft, and her attitude towards achieving her goals.
We look forward to having a long-term partnership with her,” ayon sa Chief Executive Officer ng nasabing brand na si Maynard Ngu.
Natatawa nga ang aktres dahil hindi niya sukat akalain na magagamit pala ang malaki niyang bibig sa pag-eendorso ng produkto. Kinlaro naman ni Anne na hindi retoke ang bibig niya.
Nabanggit din ng aktres na may mga lumalapit din na ibang brand sa kanya, “It has something to do with my kissmark, which is nakaka-flatter na nagiging trademark na siya.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.