Bistek: Yung sa amin ni Kris, biglang naudlot!

AYAW nang hintayin ni Jake Cuenca na malaos siya kaya naman pinili na niyang magretiro sa pagrampa sa taunang underwear fashion show ng isang clothing line kamakailan.

“Para sa akin, binigay ko na lahat. Huli ko na ‘yon. Hindi ko na ulit ‘yon gagawin. Ayaw kong dumating sa punto na ‘di ka na tinitilaan kapag lumalabas,” paliwanag ni Jake sa Tapatan ni Tunying na mapapanood ngayong hapon sa ABS-CBN.

Sa kabila ng mga punang natanggap, happy pa rin ni Jake sa naging pasabog niya sa naturang fashion show kung saan walang takot siyang rumampa na tanging jock strap lang ang suot at nakabuyangyang pa ang kanyang likuran, “Yung mga tilian ng mga tao and everything was so amazing.

Sana lang mas nakapag-work out pa ako kasi ang taba ko,” aniya. Samantala, sa hiwalay na panayam ay nagsalita naman si Quezon City Mayor Herbert Baustista tungkol sa naging relasyon nila ni Kris Aquino.

“Ang pagiging boyfriend-girlfriend kasi, nasasabi at naipapakita niyo ‘yong totoong nararamdaman niyo. Hindi kami umabot doon,” sabi niya. “Alam mo ‘yong infant stage ng relationship? Ganoon ‘yun tapos biglang naudlot,” ani Bistek.